एकनाथ शिंदेनी फडणवीसांचे मुख्यमंत्री पद हिसकावले; आता गृहखात्यावर डोळा

टीम लय भारी:

मुंबईः महाविकास आघाडीचे सरकार गडगडले. त्यानंतर भाजपचे तरुण दडफदार नेते देवेंद्र फडणवीस हेच मुख्यमंत्री होतील असे वाटते होते. मात्र अनपेक्षीतपणे देवेंद्र फडणवीसांना उपमुख्यमंत्री पद मिळाले. त्यांच्या पक्षश्रेष्ठींनीच त्यांना एक पायरी खाली उतरवले. नाराज झालेल्या फडणवीसांनी हे निमूटपणे स्विकारले. आता त्यांना या व्यतिरिक्त कोणते पद मिळणार याची उत्सुकता सर्वांनाच होती. परंतु सूत्रांकडून मिळालेल्या माहितीनुसार अत्यंत महत्वाचे समजले जाणारे गृहखाते देखील एकनाथ फडणवीसांना हवे आहे. तसेच अर्थखात्यासाठी देखील ते आग्रही आहेत.

देवेंद्र फडणवीस यांना गृहखात्यांचा दांडगा अनुभव आहे. ते अगोदरपासून गृहखात्यासाठी आग्रही आहेत. अर्थात तसे असणे स्वाभावीक आहे. परंतु एकनाथ शिंदे आणि बंडखोर गटाचा हावरटपणा काही केल्यास थांबण्याचे नाव घेत नाही. त्यांच्या या हवरट स्वभावामुळे भाजपमधील नेते नक्कीच दुखावले जाणार आहेत. नेमके खाते वाटपाच्या वेळी भाजप आणि बंडखोर आमदारांमध्ये शितयुध्दाला सुरुवात होणार आहे. यातूनही कदाचित नवे ‘बंड‘ उभे राहू शकते.

बंडखोर आमदारांच्या यावेळच्या वागण्यावरच आगामी निवडणुकीची रणनिती आखण्यात येईल. दुसरी महत्वाची गोष्ट अशी की, या मंत्री मंडळात भाजपमधील अनेक बिलंदर मंडळी मंत्री पदापासून दूर राहणार आहे. त्यांच्यात नाराजीचा सूर आहे. ते विशेष खबरदारी घेतांना दिसत आहेत.

हे सुध्दा वाचा:

चित्रा वाघ यांची भाषा बदलली

वाघाच्या ‘वाटेला जाणे’ पडले महागात, काही सेकंदातच खेळ खल्लास !

धर्माच्या नावाखाली केवळ राजकारण! विवेकबुद्धीचा वापर सद्यस्थितीची गरज