Coronavirus : बॉक्सरचा कोरोनामुळे मृत्यू

टीम लय भारी

नवी दिल्ली : संपूर्ण जग गेले दोन वर्ष कोरोनाच्या गर्तेत अडकले होते. त्यामुळे अत्यावश्यक सेवा वगळता अन्य सेवा ठप्प करण्यात आल्या होत्या. या रोगाची तीव्रताच इतकी गंभीर होती की जगभर दोन वर्षे कडक लॉकडाऊन लावण्यात आले. कोरोनाचे रुग्ण झपाट्याने वाढू लागले. मात्र असे असले तरी अनेकांना या कोरोनाचे गांभीर्य नसल्याचे दिसून येत होते. अनेकजण मला काही होणारच नाही या अविर्भावात कोरोनाकडे दुर्लक्ष केले(Boxing world champion dies of corona).

परंतु या कोरोनाच्या नियमांचे पालन न केल्याने अनेकांना आपला जीव गमवावा लागला आहे. असाच अति आत्मविश्वास एका बॉक्सरला नडला आहे. तीन वेळा किक बॉक्सिंग वर्ल्ड चॅम्पियन राहिलेला फ्रेडरिक सिनिस्ट्रा याला कोरोनामुळे जीव गमावावा लागला आहे. या बॉक्सर फ्रेडरिक सिनिस्ट्राला ‘अंडरटेकर’ म्हणूनही ओळखले जाते.त्याला कोरोनाची लागण झाली होती.मात्र त्याने कोरोनाच्या नियमांचे पालन न करत कोरोनावर मात करण्याचा निर्णय घेतला.

शिक्षणमंत्री वर्षा गायकवाड यांना कोरोनाची लागण

धक्कादायक: भरल्या ताटावरच पोलीस उपनिरीक्षकाची प्राणज्योत मालवली

या बॉक्सरला लसीकरणावर जराही विश्वास नव्हता.त्यामुळे फ्रेडरिक सिनिस्ट्रा याने लस घेतली नव्हती. ‘कोरोनाच्या नियमांचे पालन करणे हा निव्वळ मुर्खपणा आहे.या लसीकरणामुळे कोरोना बरा होतो ही अफवा आहे’,अशी त्याची समज होती.याशिवाय तो कोरोनाशी आपण स्वबळावर मात करु आणि मी वैयक्तिक ताकदीने कोरोनाचा पराभव करेन,असे तो सर्वांना सांगायचा.मात्र या त्याच्या जीवाला घातक ठरणाऱ्या अति आत्मविश्वासाला अखेर फुलस्टॉप लागला.

पूर्वोत्तर राज्यांमधून AFSPA रद्द करण्यासाठी मागणी

Europe witness highest COVID-19 case and death rates across the world

नोव्हेंबर महिन्यात कोरोनाच्या विळख्यात हा बॉक्सर अडकला. कोरोनाच्या नियमांचे पालन न केल्याने फ्रेडरिक सिनिस्ट्राची प्रकृती दिवसेंदिवस बिघडत गेली. प्रकृती गंभीर झाल्यामुळे त्याला अखेर रुग्णालयात दाखल करण्यात आले. त्याला थेट आयसीयूमध्येच दाखल करण्यात आले.मात्र तोपर्यंत खूपच उशीर झाला होता आणि उपचारादरम्यान, त्याचा मृत्यू झाला.यादरम्यान त्याने आपल्या चाहत्यांना ‘मी लवकरच बरा होउन परत येईन’ असे आश्वासन दिले होते.