AUDIO CLIP : नरेंद्र मोदींचे नाव ऐकताच ‘या’ व्यक्तीच्या तळपायाची आग पोचली मस्तकात, ऐका हा संवाद

लय भारी न्यूज नेटवर्क

मुंबई : ‘मोदींना सांगा तोंडू फोडू. विकास काय केला. पाच वर्षांत काय आश्वासने दिली. त्यावर बोला. उगीच भावनिक मुद्द्यांवर बोलू नका. नोटबंदीमध्ये शेतकरी बरबाद केला. कर्जमाफीत काय केले. किती उद्योग गेले हे आम्हाला माहित आहे. चौकीदार आहात म्हणून सांगता. पण तुम्ही झाडूदार सुद्धा नाही…’ हे शब्द आहेत एका सामान्य व्यक्तीचे. भाजपच्या संवाद केंद्रातून एका प्रतिनिधीने फोन केला होता. त्यावर या सामान्य व्यक्तीने आपल्या मनातील संतापाला मोकळी वाट करून दिली.

तुम्ही (संवाद केद्रातील प्रतिनिधी) चाटूगिरी करीत आहात. तुम्ही नोकरी सोडून द्या. खोटी माहिती देऊ नका. भारतातील जनतेचा शाप लागेल तुम्हाला असे सुद्धा या सामान्य व्यक्तीने ठणकावले आहे.

नरेंद मोदी फक्त भावनिक मुद्यांवर बोलतात. मै चौकीदार हू सांगतात. पण ते झाडूदार सुद्धा नाहीत. कधी चहावाला.. कधी चौकीदार असे म्हणतात. पण विकासावर काही बोलत नाहीत. माझा मोबाईल नंबर घेऊन सांगा मोदींना. निवडणुकीच्या माध्यमातून आमचाच पैसा आमच्यावर उधळत आहात. राजीव गांधींवर बोलण्याचा त्यांना अधिकार नाही. राज ठाकरे प्रश्न विचारताहेत त्याची उत्तरे द्या, अशा भावनाही या व्यक्तीने व्यक्त केल्या आहेत.

ही ऑडियो क्लिप आता सगळीकडे व्हायरल झाली आहे.