VIDEO : हा चिमुकला म्हणतोय; मी पुन्हा येईन, पुन्हा येईन, पुन्हा येईन

विधानसभा निवडणुकीपूर्वी तत्कालिन मुख्यमंत्री देवेंद्र फडणवीस यांनी ‘मी पुन्हा येईन, पुन्हा येईन, पुन्हा येईन’ अशी आरोळी ठोकली होती. निवडणुकीअगोदर आणि निवडणुकीनंतरही त्यांच्या या गर्जनेची चांगलीच चर्चा झाली. ‘टिक टॉक’पासून ते अगदी ‘चला हवा येऊ द्या’सारख्या लोकप्रिय कार्यक्रमातही फडणवीस यांच्या या ‘पुन्हा येईन’ची खिल्ली उडविली गेली. आता तर चक्क एका शाळकरी मुलानेच ‘पुन्हा येईन’चा नारा दिला आहे. दोन दिवसांपूर्वी झालेल्या प्रजासत्ताक दिनाच्या सोहळ्यात या चिमुरड्याने एक मिनिटाचे भाषण केले आहे. त्याच्या बोबड्या बोलांमुळे तो भाषणात नक्की काय बोलत आहे हे समजत नाही. पण समारोप करताना मात्र त्याने ‘पुढच्या वर्षी मी पुन्हा येईन, पुन्हा येईन, पुन्हा येईन’ असा नारा दिला आहे. त्याच्या या नाऱ्यावर विद्यार्थी, शिक्षक व उपस्थितांमध्येही जोराचा हंशा पिकला आहे. रायगड जिल्ह्यातील एका शाळेतील हा व्हिडीओ आहे. सध्या तो जोरदार व्हायरल झाला आहे.

हे सुद्धा वाचा

देवेंद्र फडणवीस सरकारमध्ये विरोधकांचे फोन टॅप; ठाकरे सरकारकडून चौकशीचे आदेश

देवेंद्र फडणवीस यांच्या डोक्यावर तुकाराम मुंढे, एकूण २० सनदी अधिकाऱ्यांच्या बदल्या

चारचाकी असूनही अनेकजण आपटले; उध्दव ठाकरेंचा फडणवीसांना टोला

मला देवेंद्र फडणवीस आणि चौकडीने छळले : एकनाथ खडसे