PHOTO: तरुणांनो सांधेदुखीच्या त्रासाने त्रस्त झालायं; मग योगासनांचे हे प्रकार कराच!

कमकुवत हाडे, पुरेशा शारीरिक व्यायामाचा अभाव आणि खाण्यापिण्याच्या चुकीच्या सवयी यामुळे सांधेदुखी ही आजकालची सर्वात मोठी समस्या बनली आहे. आजकाल केवळ वृद्धच नाही तर तरुण सुद्धा सांधेदुखीच्या या समसेला बळी पडत आहेत. औषधोपचार या वेदना कमी करण्यास मदत करतात, परंतु योग हे एक प्राचीन भारतीय तंत्र आहे जे प्रभावीपणे वेदना शरीरातुन उपटून टाकते, शरीराला टोन करते आणि मन शांत करते. तर असेच काही योगांचे प्रकार जे तुमच्या शरीरातुन सांधेदुखीच्या समसेला कायमच घालवुन टाकेल…

वीरभद्रासन (योद्धा मुद्रा)

वॉरियर पोज ही गुडघा मजबूत करणारी योगासन आहे. जी गोठलेल्या खांद्याचा त्रास असलेल्या लोकांना देखील मदत करते. यामुळे खांद्यांवरील ताणही दूर होतो आणि शरीरात संतुलन राहते.

धनुरासन (धनुष्याची मुद्रा)

धनुष्याची मुद्रा खांदे उघडते आणि त्याच्या वेदना देखीत कमी करते. या योगासनामुळे पाठीला लवचिकता येते आणि शरीराचा ताण आणि थकवा दूर होतो.

सेतू बंधनासन (पुलाची मुद्रा)

ब्रिज पोज गुडघ्याच्या सांध्यातील स्नायूंना बळकट करण्यास मदत करते आणि ऑस्टिओपोरोसिसने ग्रस्त असलेल्यांसाठी देखील उपयुक्त आहे. हे मेंदूला शांत करते आणि शरीरातील चिंता आणि तणाव कमी करते.

त्रिकोनासन (त्रिकोण मुद्रा)

त्रिकोणी मुद्रा पाय, गुडघे आणि घोट्याला मजबूत करते. हे हॅमस्ट्रिंग, मांडीचा सांधा आणि नितंब देखील ताणते आणि उघडते. या योगासनामुळे शरीरातील सायटिका आणि पाठदुखीपासूनही आराम मिळतो.

उष्ट्रासन (उंटाची मुद्रा)

उष्ट्रासन हा पाठदुखीवर  एक प्रभावी व्यायाम आहे आणि यामुळे खांद्याला देखील बळकटी येते, उस्ट्रासनामुळे मणक्याची लवचिकता सुधारते, मुद्रा सुधारते आणि पाठीच्या खालच्या दुखण्यापासून शरीराला आराम मिळतो.

हे सुद्धा वाचा

Health Tips : तेल मसाज अंघोळीपूर्वी करायचं की अंघोळीनंतर?, जाणून घ्या एका क्लिकवर

PHOTO: बॉलीवूड एक्ट्रेस सौंदर्य आणि फिटनेसाठी घेतात अपार मेहनत

Health Tips : या लोकांसाठी दुधाचे सेवन असते हाणीकारक

मकर अधोमुख स्वानासन (डॉल्फिन प्लँक पोझ)

डॉल्फिन प्लँक पोझ हे खांदे आणि हॅमस्ट्रिंग्स ताणण्यास मदत करते. शरीरातील थकवा आणि पाठदुखीपासून मुक्ती देते.  मनगट, हात आणि पाय मजबूत करते. या योगासनांमुळे ऑस्टिओपोरोसिसपासून बचाव होतो.