किरीट सोमय्या यांच्या जिवीताला धोका, म्हणून ‘झेड’ सुरक्षा, भाजपचा दावा

टीम लय भारी

मुंबई : भाजप चे जेष्ठ नेते किरीट सोमैय्या यांनी अनेक राजकीय नेत्यांच्या बेनामी संपत्ती उघड केल्यामुळे अनेक राजकीय नेत्यांचा रोष ओढवून घेतला आहे. त्यामुळे त्यांच्या जीवाला धोका निर्माण झाला आहे. असा दावा भाजपने केला आहे. म्हणून त्यांना झेड सिक्युरिटी उपलब्ध करून देण्यात येणार आहे (Kirit Somaiya’s life in danger, hence ‘Z’ security, BJP claims).

डिवचल्या गेलेल्या नेत्यांनी मारहाणीच्या धमक्या आणि असभ्य शिवीगाळ केल्याचे समजते. यावरून असे सिद्ध होते की मुद्देसूद लढाई मुद्दा सोडून लढली जातेय. कार्यकर्त्यांकडून मारहाणीच्या धमक्या देणे शोभत नाही. हा सारा विचार करून किरीट सोमैया यांच्या जीवाचा धोका लक्षात घेता केंद्रीय गृहमंत्री श्री अमित शहा यांच्या तर्फे सुरक्षेत वाढ करून ‘Z’ दर्जाची सुरक्षा देण्यात आली आहे.

भाजप सरकारने मागच्याच वर्षी शिवाजी महाराजांचा पुतळा उखडला तरीही तुम्ही भाजपाला सपोर्ट करता ?

Ola इलेक्ट्रिक बाजारात दाखल, ऑनलाइन विक्रीला सुरूवात

अर्थात अश्या भेकड हल्ले/धमक्यांना भीक न घालता किरीट सोमैया(Kirit Somaiya) आपले कार्य अजून जोमाने चालू ठेवणार आणि भ्रष्ट महाराष्ट्र सरकार मधील नेत्यांचे भ्रष्टाचार जनतेसमोर आणून भ्रष्टाचाराचे असली चेहरा जनतेसमोर उघडा पाडणार, असा विश्वास भाजपने व्यक्त केला आहे.

अनेक पक्षांचे आमदार, खासदार यांच्या आडून चाललेल्या कोट्यावधी रुपयांच्या भ्रष्टाचाराच्या तसेच नियमबाह्य CRZ चे उल्लंघन करून बांधलेले रिसॉर्ट, बंगले, बोगस कंपन्यांच्या मार्फत केलेले मनी लॉन्ड्रिंग, अवैध बांधकामे केली आहेत. याविरुद्ध अक्षरशः मोहीम उघडून त्यांची सक्त वसुली संचनालाय (ED) मार्फत चौकश्यांचा ससेमिरा लावला आहे. यावरून घेतलेल्या पत्रकार परिषदा, व त्यासाठी प्रत्यक्ष बेकायदेशीर मालमत्ता ची पाहणी करून हे प्रकार माध्यमांद्वारे जनतेसमोर उघड केल्यामुळे सत्ताधारी पक्षातील नेत्यांमध्ये एकच खळबळ उडाली आहे

संजय राऊतांचे भाजपला आवाहन, बेळगाव महाराष्ट्रात विलीन करा

Chhagan Bhujbal owns Benami properties in Mumbai, alleges Kirit Somaiya