Nilesh Rane : निलेश राणे यांच्या विरोधात गुन्हा दाखल, तृतीयपंथीयाच्या तक्रारीवरून पोलीस कारवाई

निलेश राणे यांच्या विरोधात गुन्हा दाखल झाला आहे.

टीम लय भारी

जळगाव : वाट्टेल तशी विधाने करणे माजी खासदार निलेश राणे ( Nilesh Rane ) यांच्या चांगलेच अंगलट आले आहे. त्यांच्यावर जळगाव येथील फैजपूर पोलीस ठाण्यात गुन्हा दाखल करण्यात आला आहे. एका तृतीयपंथी व्यक्तीच्या तक्रारीवरून पोलिसांनी हा गुन्हा नोंद केला आहे.

निलेश राणे ( Nilesh Rane ) यांनी राज्यमंत्री प्राजक्त तनपुरे यांच्यावर टीका करताना त्यांचा उल्लेख ‘हिजडा’ असा केला होता. त्यामुळे तृतीयपंथी समुदायामध्ये संताप पसरला होता. त्या अनुषंगाने शमीभा पाटील या तृतीयपंथी व्यक्तीने निलेश राणे यांच्या विरोधात गुन्हा दाखल केला आहे.

भारतीय दंड संहितेच्या कलम 499 व 501 अन्वये हा गुन्हा दाखल झाला आहे. तृतीयपंथी (हिजडा) समुदायावर उपहासात्मक टिप्पणी करून अब्रुनुकसान व मानहानी केल्याचा आरोप राणे ( Nilesh Rane ) यांच्यावर ठेवण्यात आला आहे. पोलिसांनी अदखलपात्र हा सौम्य स्वरूपाचा गुन्हा दाखल केला आहे.

निलेश राणे व आमदार रोहित पवार यांच्यात गेल्या काही दिवसांपासून ट्विट युद्ध सुरू आहे. रोहित पवार यांच्यावर राणे यांनी केलेल्या टीकेवर नाराजी व्यक्त करणारे ट्विट राज्यमंत्री प्राजक्त तनपुरे यांनी केले होते. तनपुरे यांच्या या ट्विटमुळे राणे भडकले.

जाहिरात

भडकलेल्या राणेंनी ( Nilesh Rane ) तनपुरे यांच्यावर अभद्र शब्दांत वार केले. त्यात त्यांनी तृतीयपंथीयांचाही उल्लेख केला. राणे यांच्या या ट्विटला प्रत्युत्तर देत सारंग पुणेकर या तृतीयपंथी व्यक्तीने बुधवारी संताप व्यक्त केला होता.

‘हिजडा’ या शब्दाचा अर्थ तुम्हाला माहीत नसेल तर मी सांगते. हे वक्तव्य मागे घ्या, नाहीतर तुमचा बाजार उठवेन अशी तंबी सारंग पुणेकर यांनी दिली होती. त्यानंतर जळगाव येथील पाटील या व्यक्तीने निलेश राणे यांच्या विरोधात गुन्हा दाखल केला आहे.

Police case registered against Nilesh Rane at Jalgaon