माता न तू वैरिणी: प्रियकराच्या मदतीने निर्दयी मातेने घेतला लेकराचा जीव

महाराष्ट्राच्या सांगली जिल्ह्यातून माता न तू वैरिणी याचा खरा प्रत्यय समोर आला आहे. अनैतिक प्रेमसंबंधात अडथळा ठरणाऱ्या एका सहा वर्षाच्या चिमुकल्याची त्याच्या आईनेच हत्या केल्याची धक्कादायक घटना उघडकिस आली आहे. आरोपी महिलेने आधी चिमुकल्याचं अपहरण झाल्याचा बनाव केला. नंतर प्रियकराच्या मदतीने मुलाची ह्त्या करून मृतदेह विहिरीत फेकून दिले. सदर प्रकरणानंतर परिसरात खळबळ उडाली असून या निर्दयी कृत्याबाबत संताप व्यक्त केला जात आहे.

प्रेम करत असतांना अनेकदा काहींना नात्याचाही विसर पडतो. त्यामध्ये काही नाती जिवावर देखील उठतात. असाच एक धक्कादायक प्रकार सांगली जिल्ह्यातील खानापूर तालुक्यातील लेंगरे येथे उघडकीस आला आहे. निर्दयी मातेने अनैतिक प्रेमसंबंधात अडथळा ठरणाऱ्या सहा वर्षाच्या चिमुकल्याचा प्रियकराच्या मदतीने खून केल्याचा खळबळजनक घटना घडली आहे. सदर प्रकारानंतर विटा पोलिसांनी ज्योती प्रकाश लोंढे (वय 28 वर्षे, रा. लेंगरे) आणि तिचा प्रियकर रुपेश नामदेव घाडगे (वय 25 वर्षे, रा. जोंधळखिंडी, ता. खानापूर) या दोघांना अटक केली असून त्यांच्यावर खुनाचा गुन्हा दाखल केला आहे.

ज्योती लोंढे या विवाहितेचे आणि रूपेश घाडगे यांच्यात प्रेमसंबंध असल्याचे उघड झाले आहे. दोघांचे गेल्या काही वर्षापासून अनैतिक प्रेमसंबंध आहेत. सहा वर्षांचा शौर्य हा प्रेमात अडथळा ठरत होता. दोघांना लग्न करायचे होते म्हणून त्याला दूर करायचे असल्याने त्यांनी अडथळा दूर करतांना त्याचा जीव घेतल्याचे समोर आले आहे. खरंतर काही दिवसांपूर्वी संशयित आरोपी यांनी रात्रीच्या वेळेला मुलाला एका विहिरीत टाकून दिले होते. त्यानंतर मुलाचे अपहरण झाल्याचा बनाव रचला होता. त्यानंतर पोलिसांत देखील माहिती दिली होती. त्यानंतर पोलिसांनी तपास सुरू केला होता. अशातच विहीरीतील पाण्यावर तरंगतांना एक लहान मुलाचा मृतदेह आढळून आला आणि त्यानंतर तपास करत असतांना धक्कादायक प्रकार समोर आला. या घटनेनंतर परिसरात खळबळ उडाली असून विटा पोलिस अधिकचा तपास करत आहे.

हे सुद्धा वाचा : 

डीजेच्या तीव्र आवाजामुळे कोमात गेलेल्या वयस्कर शिक्षकाचा मृत्यू

कळंबोलीत ट्रान्सपोर्ट व्यापाऱ्याची डोक्यात, मानेवर वार करुन हत्या

पाकिस्तान हेरगिरी प्रकरण: DRDO प्रदीप कुरुलकरांची RAW कडून चौकशी!

crime news marathi, Sangli mother took the life of a 6-year-old boy with the help of her boyfriend