आमदार रोहित पवारांचा राम शिंदेंना ‘दे धक्का’

टीम लय भारी

कर्जत : भाजपाचे जिल्हा सरचिटणीस आणि विद्यमान दोन नगरसेवकांनी आमदार रोहित पवार यांच्या उपस्थितीमध्ये राष्ट्रवादी काँग्रेसमध्ये प्रवेश करीत स्थानिक भाजपाला दे धक्का दिला आहे. निवडणुकीच्या रणधुमाळी अगोदरच या पक्ष प्रवेशाने भाजपाला आत्मचिंतन करण्याची वेळ आली आहे(BJP to reflect With the entry of this party even before the election campaign).

भाजपाचे जिल्हा सरचिटणीस प्रसाद ढोकरीकर यासह कर्जत नगरपंचायतीचे दोन विद्यमान नगरसेवक नितीन तोरडमल आणि लालासाहेब शेळके यांनी पुणे येथे आ रोहित पवार यांच्या उपस्थितीमध्ये राष्ट्रवादी काँग्रेसमध्ये प्रवेश करत निडणुकीच्या पूर्वीच भाजपाला धक्का दिला आहे. नुकत्याच पंधरा दिवसापूर्वी प्रसाद ढोकरीकर यांनी आपल्या जिल्हा सरचिटणीस पदाचा राजीनामा जिल्हाध्यक्ष अरुण मुंडे यांच्याकडे सुपूर्द केला होता.

देवेंद्र फडणवीसांचा अनिल परब यांच्यावर आणखी एक वार

शिवसेना खासदाराच्या संपत्तीवर ईडीचा डल्ला

भाजपाने देखील तो तात्काळ मंजुर करीत ढोकरीकर यांना पुढील मार्ग मोकळा केल्याचे सूतोवाच दिले होते. यासह मप सोसायटीचे देवा खरात यांनी देखील सोमवारी राष्ट्रवादीत प्रवेश करत स्थानिक राजकारणात खळबळ उडवून दिली. यावेळी राष्ट्रवादी काँग्रेसचे शहराध्यक्ष सुनील शेलार, युवकचे विशाल मेहेत्रे, विद्यार्थी आघाडीचे स्वप्नील तनपुरे, माजी सरपंच संतोष नलवडे यावेळी उपस्थित होते.

आमदार रोहित पवार यांचे कर्जत- जामखेड मतदारसंघातील विकासकामे पाहता या विकासकामाना साथ देण्यासाठी या पदाधिकाऱ्यानी राष्ट्रवादी काँग्रेसमध्ये प्रवेश केला असल्याची माहिती शहराध्यक्ष सुनील शेलार यांनी दिली. वरील तिन्ही भाजपाचे पदाधिकारी माजी मंत्री प्रा राम शिंदे यांचे कट्टर समर्थक होते.

तिचा बाप कोण? रोख ठोक उत्तर द्या : नितेश राणे

JD(U) turns up heat on BJP, wants NDA panel, says Nitish has ‘all qualities of PM’

कर्जत नगरपंचायतीची मुदत मागील वर्षीच पूर्ण झाली असून कोरोना अनुषंगाने निवडणूक कार्यक्रम अद्याप जाहीर झाला नाही. निवडणुकीचा कार्यक्रम जाहीर होण्यापूर्वीच राष्ट्रवादी काँग्रेसमध्ये इनकमिंग सुरू झाले आहे. एकेकाळी माजी मंत्री प्रा राम शिंदे यांचे कट्टर समर्थक असणारे अनेक पदाधिकारी राष्ट्रवादी काँग्रेसला मिळत असल्याने यंदाची निवडणूक चुरशीची पाहायला मिळणार असल्याचे संकेत मिळत आहे. तर मागील नगरपंचायतीमध्ये शून्य खाते असणारे राष्ट्रवादी यंदा किती बाजी मारेल ? हे सुद्धा पाहणे महत्वाचे ठरणार आहे.

– नगरपंचायतीच्या निवडणुकीपूर्वीच राष्ट्रवादीत इनकमिंग