राष्ट्रपतींनी केला एकनाथ शिंदेंना फोन!

महाराष्ट्राचे मुख्यमंत्री एकनाथ शिंदे (Eknath Shinde) यांच्या वाढदिवसानिमित्त राष्ट्रपती श्रीमती द्रौपदी मुर्मू (Draupadi Murmu) यांच्याकडून त्यांचे अभिष्टचिंतन करण्यात आले आहे. मुख्यमंत्री शिंदे यांना महाराष्ट्राच्या विकासामध्ये भरीव योगदान देण्यासाठी आणि निरोगी दीर्घायुष्यासाठी राष्ट्रपती मुर्मू यांनी फोनवरून शुभेच्छा दिल्या आहेत. (CM Shinde’s birthday Greetings from President Murmu)

राष्ट्रपती श्रीमती मुर्मू यांनी आज सकाळी मुख्यमंत्री शिंदे यांना दूरध्वनीवरुन शुभेच्छा दिल्या. सुदृढ, निरोगी, दीर्घायुष्याच्या शुभेच्छा देतानाच महाराष्ट्राचा सर्वसमावेशक, सर्वांगीण विकास साधण्यासाठी आजचा दिवस आपल्याला निश्चितच बळ देईल, असेही राष्ट्रपती मुर्मू यांनी नमूद केले. राष्ट्रपतींनी दिलेल्या शुभेच्छांबद्दल मुख्यमंत्री शिंदे यांनी त्यांचे आभार मानले, अशी माहिती मुख्यमंत्री सचिवालय कक्षातून देण्यात आली आहे.

हे सुद्धा वाचा : मुख्यमंत्री एकनाथ शिंदे यांच्या वाढदिवसाची ठाण्यात, राज्यात, सोशल मीडियावर धूम!

एकनाथ शिंदे म्हणाले, शरद पवार फोन करतात, मार्गदर्शन करतात, मी त्यांचा आभारी आहे

मराठ्यांना ओबीसींच्या सर्व सवलती लागू राहणार, मुख्यमंत्री एकनाथ शिंदे यांची ग्वाही

महाराष्ट्रातील सर्वात उच्चपदी पोहोचलेल्या एकनाथ शिंदेंनी त्यांच्या आयुष्यात अनेक चढ-उतार पाहिले. तर दुसरीकडे राष्ट्रपती पदाच्या उमेदवार असलेल्या द्रौपदी मुर्मू यांनीही आपल्या आयुष्यात अनेक दुष्काळं पाहिलेत. सर्वसामान्य असताना दु:खाचा डोंगर कोसळल्यानंतरही द्रौपदी मुर्मू आणि एकनाथ शिंदे आपापल्या आयुष्यात खंबीरपणे उभे राहिले आणि अनेक वादळांचा सामना केला. त्यांचे जीवन संघर्ष आणि संकटांवर मात करण्याची इच्छाशक्ती ही आज अनेकांसाठी प्रेरणादायी आहे. दरम्यान, द्रौपदी मुर्मू यांची राष्ट्रपतीपदी निवड झाल्याबद्दल मुख्यमंत्री शिंदे यांनी विधानसभेत अभिनंदनाचा प्रस्ताव देखील मांडला होता.