जाणून घ्या दीपिकाच्या प्रेग्नेंसी डाएटबद्दल

काही दिवसांपूर्वी बॉलीवूडची मस्तानी दीपिका पादुकोण (Deepika Padukone) हिने आपल्या चाहत्यांना गुड न्यूज दिली. ती सप्टेंबरमध्ये बाळाला जन्म देणार आहे. अभिनेता रणवीर सिंह आणि अभिनेत्री दीपिका पादुकोण लवकरच आई-बाबा होणार आहेत. दीपिकाने सोशल मीडिया पोस्टद्वारे चाहत्यांसोबत ही आनंदाची बातमी शेअर केली होती. तिच्या या आनंदाच्या बातमीनंतर दीपिकाच्या प्रत्येक चाहत्याला तिच्यासंदर्भात एक अन् एक अपडेट जाणून घेण्यासाठी उत्सुकता लागलेली असते. तर मिळालेल्या माहितीनुसार प्रेग्नंसीदरम्यान अभिनेत्री काही खास नियम फॉलो करत आहे.(deepika padukone Pregnancy diet plan )

दीपवीर जोडी अभिनयासोबत वैयक्तिक कारणासाठीही नेहमी चर्चेत असते. काही दिवसांपूर्वी रिलीज झालेल्या फायटर या चित्रपटात दीपिका दिसली होती. या चित्रपटाची चर्चा सुरु असताना दीपिकाने तिच्या चाहत्यांना गुड न्यूज दिली. आता तिच्या प्रेग्नेंसी डाएटबद्दल माहिती समोर आली आहे.

तर काय आहे दीपिकाचा प्रेग्नेंसी डाएट प्लॅन

दीपिका नाश्त्याला इडली, डोसा, उपमा, 2 अंडी, 2 बदाम आणि 1 कप दूध पिते. तर दुपारच्या जेवणात प्रोटीनयुक्त पदार्थ खाण्यावर तिचा भर असतो. डाळ, भाकरी-भाजी, नारळ पाणी या गोष्टींचा ती आहार करते. संध्याकाळी ती फिल्टर कॉफी पिते. तसेच रात्रीच्या जेवणात पालेभाज्या आणि सॅलेडचा समावेश करते.

मिरची कापल्यानंतर तुमच्या हाताची जळजळ होते? मग या घरगुती उपायांनी लगेच मिळेल आराम

दीपिकाच्या वर्कफ्रंटबद्दल बोलायचे झाल्यास, दीपिकाचा ‘कल्कि 2898 एडी’ हा चित्रपट लवकरच प्रेक्षकांच्या भेटीला येणार आहे. या चित्रपटात प्रभास आणि अमिताभ बच्चन यांच्यासोबत दीपिका स्क्रिन शेअर करणार असून दोघे मुख्य भूमिकेत आहेत. अमिताभसह दीपिकाने याआधी ‘पीकू’ (Piku) या चित्रपटात एकत्र काम केलं होतं. तर प्रभाससोबत हा तिचा पहिलाच चित्रपट आहे.

लग्नाच्या पाच वर्षांनंतर दीपिका पादुकोण आणि रणवीर सिंह यांच्या घरात चिमुकलं बाळ येणार आहे. काही दिवसांपूर्वी दीपिका पादुकोण हिने बाफ्टा अवॉर्ड सोहळ्याला हजेरी लावली होती. तेव्हापासून तिचा लूक सोशल मीडियावर चर्चेचा विषय बनला होता. बाफ्टा अवॉर्ड शो दरम्यान देखील अभिनेत्री दीपिका पादुकोण हिचा बेबी बंप दिसत असल्याची चर्चा सोशल मीडियावर रंगली होती.