लोकसभा निवडणुकीत झालेल्या चुकांची विधानसभा निवडणुकीत पुनरावृत्ती टाळावी, अशी सूचना गृहमंत्री अमित शहा यांनी दिली. महाराष्ट्र विधानसभा निवडणुकीची 2024 ची घोषणा अद्याप झाली नाही. मात्र, आतापासून राजकीय वातावरण चांगलेच तापले आहे. निवडणुकीचा प्रचार आणि तिकीटासाठी सर्वच राजकीय पक्षांनी डावपेच सुरू केले आहेत. भारतीय जनता पक्षाने आता पासूनच आपली तयारी सुरु केली आहे. यातच आता गृहमंत्री अमित शहा महाराष्ट्राच्या दौऱ्यावर आहेत.(Maharashtra Assembly Election 2024 Amit Shah gave advice to CM Shinde, Devendra Fadnavis)
शिंदे सरकारची मळलेली प्रतिमा घेवून निवडणूक कशी लढवायची ? शाहांसमोर प्रश्न
माहितीनुसार, अमित शहा रात्री उशिरा मुंबईत पोहोचले आणि त्यांनी भाजप कोअर कमिटीची बैठकही घेतली. याचवेळी, अमित शहा यांनी महायुतीतील धुसफूस चव्हाट्यावर येऊ नये, जाहीर वाद टाळावेत,अशी सूचना केल्या. अमित शहा हे दोन दिवस मुंबई दौऱ्यावर आहे. अमित शहा यांनी रविवारी आपल्या कुटुंबासह लालबागच्या राजाचं दर्शन घेतले. यांनतर त्यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याबरोबर महत्वाच्या बाबींवर चर्चा केली. या बैठकीत लोकसभा निवडणुकीत झालेल्या चुकांची विधानसभा निवडणुकीत पुनरावृत्ती टाळावी, असा सल्लाही अमित शहांनी दिला. तसेच, एकजूट होऊन विधानसभा निवडणूक लढवण्याची सूचना दिली. (Maharashtra Assembly Election 2024 Amit Shah gave advice to CM Shinde, Devendra Fadnavis)
हर्षवर्धन पाटील तुतारी हातात घेणार का ? ऐका त्यांच्यात तोंडून
अमित शहा यांनी राज्यातील सद्यस्थिती आणि आगामी विधानसभा निवडणूक 2024 च्या तयारीबाबत दोन तास चर्चा झाली. या बैठकीत भाजपने 150 जागांवर निवडणूक लढवण्याचा आणि किमान 125 जागांवर निवडणूक जिंकण्याचा निर्णय घेतल्याचे सूत्रांनी सांगितले. विधानसभा निवडणुकीला अजून दोन महिने बाकी असताना अमित शहा मुंबईत आल्यानंतर राजकीय घडामोडींना वेग आला आहे. (Maharashtra Assembly Election 2024 Amit Shah gave advice to CM Shinde, Devendra Fadnavis)
राज्यातील सध्याची राजकीय परिस्थिती आणि ‘लाडकी बहिन योजने’चे श्रेय घेण्यासाठी महायुतीमध्ये चढाओढ सुरू आहे. त्याचवेळी गृहमंत्र्यांनी बदलापूरमधील अल्पवयीन मुलांचे लैंगिक शोषण प्रकरण आणि शिवाजी महाराजांचा पुतळा पाडल्यानंतर पंतप्रधान नरेंद्र मोदी यांनी मागितलेली माफी याबाबतच्या सद्यस्थितीचा आढावा घेतला. यावेळी भाजप नेत्यांनी तयार केलेले नियोजनही अमित शहा यांनी समजून घेतले. महायुतीमध्ये कोणत्याही परिस्थितीत मतभेद असले तरी युती अखंड ठेऊन निवडणुकीला सामोरे जाण्याच्या सूचनाही अमित शहा यांनी दिल्या. (Maharashtra Assembly Election 2024 Amit Shah gave advice to CM Shinde, Devendra Fadnavis)
या बैठकीला उपमुख्यमंत्री देवेंद्र फडणवीस, भाजप प्रदेशाध्यक्ष चंद्रशेखर बावनकुळे, मुंबई अध्यक्ष आशिष शेलार, मंत्री गिरीश महाजन, मंत्री रवींद्र चव्हाण, मंत्री चंद्रकांत पाटील, मंत्री सुधीर मुनगंटीवार, आमदार पंकजा मुंडे आदी उपस्थित होते.
PCOD ही हार्मोनल असंतुलनाशी संबंधित समस्या आहे. यामध्ये स्त्रीच्या अंडाशयात सिस्ट तयार होतात. यामुळे मासिक…
पंढरपूर मध्ये धनगर आंदोलन संताजी वाघमोडे यांनी आत्महत्येचा प्रयत्न केलेला आहे(Devendra Fadnavis cheated Dhangars) आरक्षण…
पावसाळ्यात केस तुटण्याची आणि गळण्याची समस्या वाढते. वास्तविक या काळात पावसात भिजल्यामुळे केसांची मुळे कमकुवत…
पंढरपूर मध्ये धनगरपंढरपूर मध्ये धनगर आंदोलन संताजी वाघमोडे यांनी आत्महत्येचा प्रयत्न केलेला आहे(Strikers in Pandharpur…
मधुमेह हा एक असा आजार आहे ज्यामध्ये व्यक्तीच्या शरीरातील रक्तातील साखरेची पातळी सामान्यपेक्षा जास्त होते.…
गेल्या काही वर्षांपासून महाराष्ट्रात एकही प्रकल्प आला नाही आहे. यातच आता महाराष्ट्रात येणारा आणखी एक…