बीडच्या आष्टी तालुक्यातील पोखरी येथील रहिवासी असलेल्या एकनाथ शिंदे या समाजकंटकाने वॉट्सअपवर धार्मिक विद्वेष पसरविणारा संदेश प्रसारित केला होता. ‘प्रिन्स ग्रुप महाराष्ट्र राज्य’ या ग्रुपवर प्रस्तुत पोस्ट शिंदे याने टाकली होती. सोबत व्हिडीओसुद्धा पोस्ट केला होता. ‘कुठल्याही मुस्लिम लोकांकडून भाजीपाला व कसलाही माल विकत घेऊ नका. तुम्ही तुमचा मृत्यू विकत घेत आहात. लक्षात ठेवा.’ असे या संदेशात म्हटले होते.
व्हिडीओमध्ये मुस्लिम समाजाचे दोन युवक हे फळ विक्रीच्या हातगाडीवर फळे लावत आहेत. त्यातील एक इसम हा प्रत्येक फळाला बोटाने थुंका लावत असल्याचे दाखविण्यात आले आहे. जाणीवपूर्वक मुस्लीम समाजाबद्दल जनमाणसांमध्ये विद्वेष पसरविल्याचा हा प्रकार याच ग्रुपमधील सदस्य असलेल्या अन्सार नवाब पठाण ( वय २८ वर्षे ) यांच्या निदर्शनास आला. पठाण यांनी ही बाब जामखेड पोलिसांच्या ( PoliceAction ) निदर्शनास आणून दिली. त्यावर पोलिसांनी कडक कारवाई करीत शिंदे याला अटक केली आहे.
सोशल मीडियातून दोन समाजात तेढ निर्माण करण्याबरोबरच शासनाने कोविड 19 संदर्भात खोट्या अफवा पसरू नयेत असे आदेश दिलेले आहेत. तरी देखील त्याचे उल्लंघन केल्या प्रकरणी अन्सार पठाण यांच्या फिर्यादीवरून एकनाथ शिंदे या समाजकंटकाविरोधात राष्ट्रीय आपत्ती व्यवस्थापन कायद्यासह अन्य कलमान्वये ( PoliceAction ) गुन्हा दाखल केला आहे.
डीवायएसपी संजय सातव यांच्या मार्गदर्शनाखाली सहाय्यक पोलिस निरीक्षक अवतारसिंग चव्हाण यांच्या टीमने वेगवान तपास ( PoliceAction ) करीत आरोपीच्या मुसक्या आवळल्या आहेत. आरोपीला न्यायालयात हजर केले असता न्यायालयाने एक दिवसाची कोठडी सुनावली आहे. पुढील तपास हेड काँस्टेबल नवनाथ भिताडे हे करत आहेत.
हे सुद्धा वाचा
Covid19 : ‘टाळ्या वाजवणे, दिवे लावायला सांगणे हे पंतप्रधानांचे काम आहे का ?’
Coronavirus : अजितदादांचे आवाहन, मेणबत्ती – दिवे पेटवताना सॅनिटायझरमुळे हात भाजून घेऊ नका
डॉ. भारती पवार (Dr.Bharati Pawar) यांनी मंगळवारी भुजबळ फार्म येथे भुजबळ यांची भेट घेतली. या…
उन्हाळ्यात (summer) खसखस(poppy seeds) खाल्ल्याने आरोग्याला अनेक फायदे होतात. खसखस (poppy seeds) हे औषधी गुणधर्मांनी…
गेल्यावर्षी कमी झालेले पर्जन्यमान अन वाढत्या उष्णतेने पाण्याचे होणारे बाष्पीभवन यामुळे जिल्ह्यातील धरणांमधील पाण्याच्या पातळीत…
कर्जाचा हप्ता भरण्यासाठी बजाज फायनान्सच्या कर्मचाऱ्याकडून होणाऱ्या त्रासाला कंटाळून कर्जदाराने आत्महत्या केल्याप्रकरणी गुन्हा दाखल करण्यात…
शिवसेनेकडून हेमंत गोडसे (Hemant Godse candidature ) यांना नाशिकमधून उमेदवारी जाहीर झाली आहे. त्यामुळे नाशिकचा…
दुष्काळग्रस्त माढ्यात पाणी पोहोचवितो अशी शपथ घेऊन पंधऱा वर्षांपूर्वी महाराष्ट्रातील एका बड्या नेत्याने शेतकऱ्यांची फसवणूक…
View Comments
लय भारी, नावा प्रमाणे आपण खूप latest ताज्या बातम्या देत असता.
आपल्या ऑनलाईन पोर्टल मुळे ताज्या घडामोडी, सामाजिक व राजकीय इतंभूत माहिती मिळते..
एक नियमित वाचक म्हणून आपणास धन्यवाद..
प्रा. एस. एम. सिरसाठ. बदलापूर, ठाणे.
धन्यवाद. वाचकांना योग्य, ताज्या बातम्या देणे हे 'लय भारी'चे धोरण आहे.