1992च्या दंगलीतील आरोपी पोलिसांच्या जाळ्यात

महाराष्ट्र पोलिसांना मोठे यश मिळाले आहे. 1992 च्या दंगलीतील आरोपी तबरेज अझीम खान याला पोलिसांनी अटक केली आहे. तबरेज गेल्या 18 वर्षांपासून फरार होता, 2004 मध्ये न्यायालयाने त्याला फरार घोषित केले होते. त्यानंतर पोलीस सतत तबरेजचा शोध घेत होते. माहितीच्या आधारे आज पोलिसांनी तबरेजला मुंबईतील गोरेगाव परिसरातून अटक केली.

आयपीसीच्या विविध कलमान्वये नऊ जणांविरुद्ध गुन्हा दाखल करण्यात आला
1992 च्या दंगलीत पोलिसांनी नऊ जणांवर आयपीसीच्या विविध कलमांतर्गत गुन्हा दाखल केला होता. नऊ आरोपींपैकी दोन आरोपींची न्यायालयाने निर्दोष मुक्तताही केली असून एका संशयिताचा मृत्यूही झाला होता. आरोपी तबरेज अझीम खान ओळख बदलून राहत असल्याची माहिती पोलिसांना मिळाली होती. त्याचा शोध घेत पोलीस निरीक्षक धनंजय कवडे, पीएसआय नितीन सावने यांच्या पथकाला तबरेजला अटक करण्यात यश आले.

हे सुद्धा वाचा

भारत विरुद्ध बांग्लादेश कसोटी मालिकेचे संपूर्ण वेळापत्रक

तुमचे पॅन कर्ड लवकरच होणार निष्क्रिय; जाणून घ्या कारण

‘दृश्यम 2’ पूर्वी अजय दिवगणच्या ‘या’ सिनेमांनी केली 200 कोटींची कमाई, वाचा सविस्तर

सर्वोच्च न्यायालयाने नोव्हेंबरमध्ये हे आदेश दिले होते
1992 च्या मुंबई दंगल आणि 1993 च्या साखळी बॉम्बस्फोट प्रकरणावर सुनावणी करताना 4 नोव्हेंबर रोजी सर्वोच्च न्यायालयाने महत्त्वपूर्ण आदेश दिले होते. ज्यामध्ये महाराष्ट्र सरकारला पीडित आणि बेपत्ता लोकांच्या कुटुंबीयांना भरपाई देण्यास सांगण्यात आले होते आणि प्रक्रिया पूर्ण करण्यासाठी सरकारला नऊ महिन्यांची मुदत देण्यात आली होती. या दंगली म्हणजे कायदा व सुव्यवस्था राखण्यात राज्य सरकारचे अपयश असल्याचेही न्यायालयाने मान्य केले होते.

डिसेंबर 1992 आणि जानेवारी 1993 मध्ये झालेल्या हिंसाचाराला काही गट जबाबदार असल्याचेही न्यायालयाने मान्य केले. न्यायालयाने नमूद केले की, राज्यातील दंगलीमुळे बाधित झालेल्या व्यक्ती आणि त्यांच्या वारसांना भरपाई देण्याचे दोन सरकारी ठराव जारी करण्यात आले होते. डिसेंबर 1992 आणि जानेवारी 1993 मध्ये झालेल्या दंगलींमध्ये 900 लोकांचा जीव गेला आणि 2036 लोक जखमी झाले, मग ते हिंसाचार असोत किंवा पोलिसांच्या गोळीबारामुळे, असे न्यायालयाने म्हटले होते.