बसमध्ये मोबाईल वापरला तर गुन्हा दाखल होणार; वाचा बेस्टचा नवा ‘नियम’

अनेकजण सार्वजनिक ठिकाणी फोनवर मोठमोठ्याने बोलतात किंवा मोठ्या आवाजात गाणी, व्हिडीओ वाजवतात. यामुळे बेस्टने अशा प्रवाशांना सक्त ताकीद देत बेस्टमध्ये स्मार्टफोन वापरण्यास मनाई केली आहे. याबाबतचे आदेश जारी करण्यात आले आहेत. बेस्ट उपक्रमाच्या बसगाड्यांमध्ये ‘इयरफोन शिवाय मोबाईलवर ऑडिओ / व्हीडीओ ऐकण्यास बघण्यास तसेच मोठया आवाजात बोलण्यास मनाई करण्यात येत असल्याचे य़ा आदेशात म्हटले आहे.

बेस्ट उपक्रमाची परिवहन सेवा ही सार्वजनिक परिवहन सेवा असून बसगाडीतून प्रवास करणाऱ्या प्रवाशांना कोणत्याही प्रकारचा त्रास अन्य प्रवाशांकडून होवू नये. याकरीता मुंबई पोलीस कायद्याअंतर्गत (कलम 38 / 112) सदर प्रवाशावर कारवाई होवू शकते. यामुळे बेस्ट उपक्रमाच्या बसगाड्यांमध्ये ‘इयरफोन शिवाय मोबाईलवर ऑडिओ/व्हीडीओ ऐकण्यास बघण्यास तसेच मोठया आवाजात बोलण्यास मनाई करण्यात येत असल्याचे य़ा आदेशात म्हटले आहे.