‘लय भारी’चे धाडस तरूणांसाठी प्रेरणादायी : बाळासाहेब थोरात

टीम लय भारी

मुंबई : अल्पावधीत लोकप्रिय झालेल्या ‘लय भारी’ या वेब पोर्टलच्या कार्यालयाचे उद्घाटन महसूल मंत्री बाळासाहेब थोरात आणि सामाजिक न्याय मंत्री धनंजय मुंडे यांच्या हस्ते गुरुवारी मुंबईत झाले. कोरोनाच्या निर्बंधामुळे मोजक्या २०-२५ लोकांच्या उपस्थितीत हा सोहळा पार पडला. ‘लय भारी’चे संपादक तुषार खरात आणि ‘लय भारी’चे व्यवस्थापक शांताराम गारुले यांनी दोघांचे स्वागत केले. महसूल मंत्री थोरात आणि धनंजय मुंडे यांनी ‘लय भारी’च्या बातमीदारीचे कौतुक करून शुभेच्छा दिल्या (Revenue Minister Thorat and Dhananjay Munde lauded the news of Lay Bhari and wished them well).

याप्रसंगी बोलताना थोरात म्हणाले की, ‘लय भारी’ या वेब पोर्टलने मागील एक-दीड वर्षातच वाचकांची मोठी पंसती मिळवत भरारी घेतली. वेबपोर्टलवर इतरत्र ज्या बातम्या वाचायला, पाहायला मिळत नाहीत त्या बातम्या असतात. हेच वेगळे वैशिष्ट्ये ‘लय भारी’ला नव्या उंचीवर घेऊन जाईल. ‘लय भारी’चे संपादक तुषार खरात यांना मी गेल्या १०-१२ वर्षापासून ओळखतो. ग्रामीण व साताऱ्यातील माणसारख्या दुष्काळी भागातून येऊन आज आमच्या मित्राने मुंबईतील फोर्टसारख्या भागात ‘लय भारी’चे कार्यालय सुरु केले याचा अभिमान वाटतो. मुंबईसारख्या ठिकाणी असे धाडस करणे सोपे नाही. ग्रामीण भागातील बेरोजगार तरुणांसाठी हे प्रेरणादायी ठरू शकते (This can be an inspiration for unemployed youth in rural areas).

‘लय भारी’च्या कार्यालयाचा शुभारंभ; बाळासाहेब थोरात – धनंजय मुंडेंनी केले तोंड भरून कौतुक

‘विलासराव देशमुखांच्या जागी बाळासाहेब थोरातांना पाहतो’

मी शिक्षणमंत्री असताना तुषारजी शिक्षण बीट सांभाळत होते. त्यावेळी सुद्धा त्यांच्या बातम्या, विषय हे हटके असायचे. बातमीदारी करताना ज्याला ‘बिटवीन द लाईन’ म्हणतात ते विषय समोर आणायचे. आज ‘लय भारी’ मध्ये त्याचे प्रतिबिंब दिसून येते. वृत्तपत्राच्या जशा जिल्हानिहाय आवृत्ती असतात तशाच पद्धतीने ‘लय भारी’ने सुद्धा जिल्ह्याजिल्ह्यात बातमीदारी करून ग्रामीण भागातील समस्या मांडून विकासाला हातभार लावावा. समस्या मांडल्या तरच त्या प्रशासन, सरकारी दरबारी पोहचतात. ‘लय भारी’ हे काम चांगल्या पद्धतीने निभावत आहे, त्यामुळेच ‘लय भारी’ला वाचकांनी डोक्यावर घेतले आहे. तुषार यांची पत्रकारिता, सामाजिक जाण पाहता ते यापुढे राज्यासह देशातील कानाकोपऱ्यातील राजकीय, सामाजिक घडामोडी टिपून वाचकांपर्यंत पोहचवून त्यांचा विश्वास संपादन करतील, असा विश्वासही महसूलमंत्री थोरात यांनी व्यक्त केला.

बाळासाहेब थोरातांनी सभागृहात मांडली शेतकरी हिताची तीन विधेयके

No decision yet on reducing stamp duty again: Balasaheb Thorat