सर्वसामान्य मुंबईकरांसाठी आज दुपारी 4 वाजेपासून खुली होणार नव्या मेट्रो मार्गांवरील सेवा

पंतप्रधान नरेंद्र मोदी यांनी उद्घाटन केलेल्या मुंबईतील दोन नव्या मेट्रो मार्गांवर आज, पहिल्या दिवशी, 20 जानेवारी रोजी दुपारी चार वाजेपासून सर्वसामान्य प्रवाशांसाठी सेवा खुली होईल. (Mumbai Metro Services) उद्यापासून नियमित सकाळी सहा वाजता या मार्गांवर मेट्रो सेवा सुरू होईल. या मार्गांवर दर दहा मिनिटांनी असेल गाडी धावेल. या सेवेसाठी पहिल्या तीन ते बारा किलोमीटरसाठी 20 रुपये तिकीट राहू शकते.

नव्या मेट्रो सेवेमुळे दहिसर ते अंधेरी तसेच डीएन नगर ते दहिसर हा प्रवास मुंबईकरांसाठी सोपा होईल. पंतप्रधानांनी काल उद्घाटन केले असले तरी या मार्गांवरील मेट्रो सेवा आज लगेच नियमित वेळात सुरू होणार नाही. 20 जानेवारी रोजी दुपारी 4 वाजता या मार्गावर सर्वसामान्य प्रवाशांना घेऊन पहिली मेट्रो ट्रेन धावणार आहे. त्यानंतर हा मार्ग सर्वसामान्यांसाठी खऱ्या अर्थाने सुरू होईल.

असे असेल वेळापत्रक अन् तिकीट दर

लाइन 2A वर अंधेरी पश्चिम स्थानकावरून पहिली मेट्रो सकाळी 6 वाजता धावेल आणि शेवटची मेट्रो रात्री 9.24 वाजता धावेल. लाइन 7 ची पहिली मेट्रो गुंदवली स्टेशनपासून सकाळी 5.55 वाजता सुरू होईल आणि शेवटची मेट्रो सकाळी 9.24 वाजता असेल. पहिल्या तीन किलोमीटरसाठी 10 रुपये तिकीट असेल आणि तीन किलोमीटरनंतर अतिरिक्त शुल्क आकारले जाईल. सूत्रांच्या माहितीनुसार, तीन ते 12 किमीसाठी 20 रुपये, 12 ते 18 किमीसाठी 30 रुपये आणि 24 ते 30 किमीसाठी 50 रुपये आकारले जातील.

नव्या मार्गांवरील मुंबई मेट्रोची वैशिष्ट्ये

नवी यलो लाईन म्हणजेच मेट्रो लाईन्स 2A आणि 7 या अंधेरी पश्चिम मधील दहिसर पूर्व आणि डीएन नगर यांना जोडते. या मार्गाची लांबी सुमारे 18.6 किमी आहे. दुसरा टप्पा अंधेरी पश्चिम ते वलनाईपर्यंत नऊ किलोमीटरचा विस्तारिर करण्यात आला असून त्यात आठ स्थानके आहेत. 16.5 किमी लांबीची मेट्रो लाईन 7 अंधेरी पूर्व आणि दहिसर पूर्व यांना जोडते. 5.2 किमीच्या दुसऱ्या टप्प्यात गोरेगाव पूर्व ते गुंदवलीपर्यंत चार स्थानके वाढवण्यात आली आहेत. मुंबई मेट्रोपॉलिटन रिजन डेव्हलपमेंट अथॉरिटीच्या (MMRDA) अधिकाऱ्यांच्या माहितीनुसार, या दोन मेट्रो मार्गांवर अंधेरी पूर्व आणि अंधेरी पश्चिम येथील गुंदवली येथे नवीन इंटरचेंज स्टेशन असेल.
या दोन मार्गांवरील मेट्रो गाड्या एकत्रितपणे 35 किमीच्या एलिव्हेटेड कॉरिडॉरवर धावतील. या मार्गांवर एकूण 30 उन्नत स्थानके, 22 रॅक असतील. या गाड्यांची व्यवस्था दिवसभरात दर 10 मिनिटांनी नियोजित वारंवारतेवर केली जाईल.

हे सुध्दा वाचा :

प्रवाशांसाठी खुशखबर! एकाच कार्डवर करा मोनो, मेट्रो, रेल्वे आणि बसमधून प्रवास

मुंबई देशाची धडकन म्हणत मोदींनी घातली मुंबईकरांना साद; महापालिका निवडणुकीचे रणशिंग फुंकले!

VIDEO: मेट्रोच्या ॲक्वा लाईन 3 च्या बोगद्यातील चाचणी प्रवास

हे दोन्ही मेट्रो मार्ग मुंबईतील लिंक रोड आणि वेस्टर्न एक्सप्रेस हायवे या दोन महत्त्वाच्या रस्त्यांमधून जातात. या दोन्ही मार्गांमुळे तीन ते चार लाख प्रवाशांची दैनंदिन वाहतूक कमी होईल, वाहतूक आणि गर्दी कमी होईल आणि प्रवासाचा वेळ किमान 30 ते 50 टक्के कमी होईल. 2031 पर्यंत दररोज किमान 10 लाख प्रवाशांना सेवा देण्याचे या मार्गाचे उद्दिष्ट आहे.
मेट्रो ट्रेनचे 85 टक्के डबे भारतात बनवले जातात. ते भारत अर्थ मूव्हर्स लिमिटेडद्वारे उत्पादित केले जातात. 70 किमी प्रतितास वेगाने धावणारी ही ट्रेन जास्तीत जास्त 2,280 प्रवासी घेऊन जाऊ शकते. प्रत्येक कोचमध्ये 380 प्रवासी बसू शकतात. महिला प्रवाशांसाठी स्वतंत्र डबा असेल आणि प्रत्येक स्थानकावर एक महिला सुरक्षा अधिकारी आणि सीसीटीव्ही यंत्रणाही असेल. सुरुवातीला मेट्रो ट्रेनमध्ये चालक उपलब्ध होतील. मात्र, या गाड्या अत्याधुनिक सिग्नलिंग सिस्टिमसह चालकविरहित आहेत. त्यामुळे नंतर त्या चालकाशिवाय धावतील. 2015 मध्ये पंतप्रधान मोदींनी स्वत: या मेट्रो मार्गांची पायाभरणी केली होती.