एकनाथ शिंदे हे मुख्यमंत्री झाल्यानंतर पहिल्यांदाच अयोध्याच्या दौऱ्यावर जाणार असल्याची माहिती समोर आली आहे. ही माहिती स्वतः मुख्यमंत्री एकनाथ शिंदे (CM Eknath Shinde) यांच्याकडून प्रसारमाध्यमांना देण्यात आली आहे. नोव्हेंबर महिन्यामध्ये मुख्यमंत्री एकनाथ शिंदे या दौऱ्यावर जाणार आहेत. या दौऱ्यावर मुख्यमंत्री एकनाथ शिंदे यांच्यासोबत त्यांच्या गटातील आमदार देखील हजेरी लावणार आहे. याआधी मुख्यमंत्री एकनाथ शिंदे हे उद्धव ठाकरे मुख्यमंत्री असताना त्यांच्यासोबत गेले होते. त्यावेळी आदित्य ठाकरे देखील उपस्थित होते. पण आता मुख्यमंत्री झाल्यानंतर पहिल्यांदाच एकनाथ शिंदे हे आपल्या गटातील आमदारांसोबत अयोध्येत जाऊन ‘जय श्री राम’चा नारा देत रामलल्लाचे दर्शन घेणार आहेत.
वर्षा या मुख्यमंत्र्यांच्या निवासस्थानावरून मुख्यमंत्री एकनाथ शिंदे यांनी प्रसारमाध्यमांशी संवाद साधला. यावेळी मुख्यमंत्री एकनाथ शिंदे यांनी त्यांच्या या दौऱ्याची माहिती दिली. अयोध्या दौरा हा महाराष्ट्रातील राजकारणाचा महत्वाचा विषय बनला आहे. जो कोणता राजकीय नेता अयोध्या दौरा करतो त्याचा फार गाजावाजा करण्याची पद्धत सध्या महाराष्ट्रात दिसून येत आहे.
याआधी महाराष्ट्र नवनिर्माण सेनेचे अध्यक्ष राज ठाकरे यांचा अयोध्या दौऱ्याचा मुद्दा खूप गाजला होता. परंतु मध्येच राज ठाकरे यांची हिप बोन्सची शस्त्रक्रिया झाल्याने राज ठाकरे यांचा अयोध्या दौरा होऊ शकला नाही. तसेच त्यावेळी राज ठाकरे यांच्या दौऱ्याला भाजपचे खासदार बृजभूषण सिंह यांनी देखील विरोध केला होता. त्यामुळे राज ठकरे यांनी घाबरून हा दौरा रद्द केल्याचे बोलले गेले. पण तेव्हा अनेक मनसेच्या कार्यकर्त्यांनी अयोध्येत जाऊन रामलल्लाचे दर्शन घेतले.
पण या हायव्होल्टेज नाट्यानंतर जोपर्यंत भाजपचे खासदार बृजभूषण सिंह हे राज ठाकरे यांची माफी मागत नाही तोपर्यंत अयोध्येत जाणार नाही असा निर्णय राज ठाकरे यांच्याकडून घेण्यात आला. पण काही दिवसांआधीच अयोध्येतील हनुमान गढीचे महंत राजूदास महाराज, उदासीन आखाड्याच्या धर्मदास महाराज यांनी मनसेचे अध्यक्ष राज ठाकरे यांची भेट घेतली आणि त्यांना अयोध्येला येण्याचे आमंत्रण दिले.
हे सुद्धा वाचा
दरम्यान, मुख्यमंत्री एकनाथ शिंदे हे त्यांच्या आमदारांसोबत अयोध्येत जाऊन शक्तिप्रदर्शन करणार असल्याचे बोलले जात आहे. पण हे कितपत खरे आहे हे अद्याप तरी कळू शकलेले नाही. मुख्यमंत्री एकनाथ शिंदे यांची नोव्हेंबरमध्ये जाण्याची तारीख निश्चित नसली तरी ते त्यांच्या आमदारांना घेऊन अयोध्येचा दौरा करणार असल्याचे तरी निश्चित झाले आहे. राज्यात गेल्या काही महिन्यांपासून राजकारणात अनेक चढउतार पाहायला मिळाले. उद्धव ठाकरे यांची सत्ता संपुष्ठात येऊन एकनाथ शिंदे यांची सत्ता आली त्यामुळे अयोध्येचा मुद्दा मागे पडला होता. पण आता पुन्हा एकदा अयोध्येचा मुद्दा अनेक महिन्यानंतर समोर आला आहे.
शहरात सावकारीचा फाश सुरुच असल्याचे पुन्हा अधोरेखित झाले आहे. म्हसरुळ भागात अवैध सावकारी करणाऱ्या दाम्पत्याने…
जुने नाशिक येथील जहांगिर कब्रस्तान व इतर ठिकाणांवर दुचाकीस्वार तिघांनी चारचाकी, दुचाकी वाहनांसह घरांवर जळत्या…
वाकडी (ता. जामनेर) येथे शनिवारी (ता. ११) एका ९० वर्षीय वृद्ध महिलेचा राहत्या घरात खून…
मराठीमध्ये विषयांचे वैविध्य बघायला मिळतं, त्यामुळे मराठी चित्रपट अनेक राष्ट्रीय आणि आंतरराष्ट्रीय फिल्म फेस्टिवल्समध्ये चमकदार…
सरकारच्या चुकीच्या धोरणामुळे कांद्याचा प्रश्न दिवसेंदिसें वस जटिल बनत चालला असून शेतकऱ्यांसाठी जीवघेणा ठरत आहे.…
भारताच्या अर्थव्यवस्थेने (India's economy ) उत्तुंग झेप घेतली असून दहाव्या क्रमांकावरून पाचव्या क्रमांकावर आणि आता…