शिंदे नाही तर मग ‘त्या‘ हाॅटेल मधून कोण बाहेर पडलं ?

टीम लय भारी

गुवाहाटी : मुंबईत शिवसेना नेत्यांची बैठक सुरु असतांना, गुवाहाटीमध्ये शिंदे गटाची बैठक सुरु होती. एकनाथ शिंदे गुवाहाटीच्या रेडिसन हाॅटेलमधून बाहेर पडल्याची बातमी प्रसारमाध्यमांनी पसरवली. एक गाडी हाॅटेलमधून बाहेर पडली. त्या गाडीच्या काचा लावलेल्या होत्या. तसेच गाडीतील पडदे देखील लावलेले होते. त्यामुळे त्या गाडीतून कोण गेले?, माध्यमांच्या प्रतिनिधींना समजले नाही. त्यानंतर एकनाथ शिंदे हे देवीच्या मंदिरात गेल्याची चर्चा रंगली. तर काहींनी ते मुंबईच्या दिशेने निघाल्याचे सांगितले.

एकनाथ शिंदे ज्या परिसरात आहेत. त्या परिसरात काॅंग्रेसने आंदोलन करत एकनाथ शिंदेचा निषेध केला. त्यानंतर गुवाहाटीमधील वातावरण तापले. मात्र काही वेळाने एकनाथ शिंदे बाहेर न गेल्याची बातमी येवून धडकली. एकनाथ शिंदे हाॅटेल रेडिसनमध्येच असून, त्यांची बंडखोर आमदरांसोबत चर्चा सुरु असल्याची बातमी पसरली. मग त्या गाडीतून नेमकं गेलं कोण ? असा प्रश्न निर्माण झाला आहे.

एकनाथ शिंदेचा बोलवता धनी कोण? यांचा अंदाज सर्व देशाला आहे. एकनाथ शिंदेच्या दिमतीला अगोदर गुजरात पोलीस होते. त्यानंतर आता गुवाहाटीचे पोलीस पहारा देत आहेत. त्यांच्या भेटीला कोण येतात. ते देखील गुप्त ठेवले जात आहे.

हे सुद्धा वाचा :

तीन दशकांपूर्वीच्या ‘सत्तानाट्या’ची पुनरावृत्ती

महाराष्ट्रातील राजकारणाची वाटचाल गुंडगिरीच्या दिशेने

शरद पवार – ठाकरेंमध्ये गुप्तगू; एकनाथ शिंदेंना दिले आव्हान