Dabur Company : डाबर आता मसाल्यांचा ‘बादशाह’ होणार! कंपनीने केली मोठी घोषणा

डाबर हा भारतातील सर्वात मोठा ब्रँड आहे. डाबर इंडियाने बादशाह मसालामधील 51 टक्के हिस्सा खरेदी करण्याची घोषणा केली आहे. यासाठी कंपनी 587.52 कोटी रुपयांची गुंतवणूक करणार आहे. दोन्ही कंपन्यांनी (डाबर आणि बादशाह मसाला) संयुक्त निवेदनात म्हटले आहे की, डाबरने बादशाह मसाला प्रायव्हेट लिमिटेडमधील 51 टक्के भागभांडवल विकत घेण्यासाठी निश्चित करार केला आहे. आतापर्यंत मिळालेल्या माहितीनुसार, हा करार 31 मार्च 2023 पूर्वी पूर्ण होईल.

ऑगस्ट महिन्यापासून दबावाखाली असलेला डाबर इंडियाचा शेअर गुरुवारी वधारला.नॅशनल स्टॉक एक्स्चेंजमध्ये हा शेअर सुमारे 1.5 टक्क्यांच्या वाढीसह उघडला आणि इंट्राडेमध्ये 548 रुपयांचा उच्चांक गाठला. जरी सकाळी 10.27 पर्यंत स्टॉक त्याच्या सुरुवातीच्या किंमती (541.5) च्या खाली व्यवहार करत होता. हा करार नुकताच जाहीर झाला असल्याने शेअर बाजारावर फारसा परिणाम झालेला नाही. कालांतराने, कंपनीच्या नफ्यात वाढ झाल्याचा परिणाम तिच्या स्टॉकवरही होईल.

हे सुद्धा वाचा

Arvind Kejriwal vs BJP : नोटांवरील फोटो बदलण्याच्या केजरीवालांच्या मागणीला भाजपचे सडेतोड उत्तर

BCCI : आता महिला खेळाडूंनाही मिळणार विराट कोहली इतकाच पगार! जय शहा यांची घोषणा

Aaditya Thackeray : उद्धव ठाकरेंनंतर आदित्य ठाकरे बळीराजाच्या भेटीला

निकालांनी गुंतवणूकदारांची निराशा केली
डाबर इंडियाने बुधवारी दुसऱ्या तिमाहीचे निकाल जाहीर केले, ज्यामुळे गुंतवणूकदार नाराज झाले. निकालांनुसार, एकत्रित नफ्यात वार्षिक तुलनेत 2.85 टक्क्यांनी घट झाली आहे. सप्टेंबर तिमाहीत कंपनीचा नफा 490.86 कोटी झाला आहे. त्याच वेळी, गेल्या वर्षी याच तिमाहीत कंपनीला 505.31 कोटी रुपयांचा नफा झाला होता. तथापि, ऑपरेशनमधून कंपनीचा महसूल 6 टक्क्यांनी वाढला आहे आणि तो 2,986.49 कोटी रुपयांवर गेला आहे. गेल्या वर्षी याच कालावधीत हा आकडा 2,817.58 कोटी रुपये होता.

अन्न व्यवसायात विस्तार योजना
डाबर इंडिया आता मुख्यतः आपल्या खाद्य व्यवसायाचा विस्तार करण्याच्या योजनेवर काम करत आहे. अन्न क्षेत्राच्या नवीन श्रेणीमध्ये प्रवेश करण्याच्या उद्देशाने हे संपादन देखील करण्यात आले आहे. कंपनीला येत्या 3 वर्षांत फूड बिझनेस 500 कोटी रुपयांपर्यंत वाढवायचा आहे. हे अधिग्रहण पूर्ण झाल्यानंतर, डाबर इंडिया रु. 25,000 कोटी (अंदाजे) मसाल्याच्या बाजारात प्रवेश करेल.

Avendus Capital च्या अहवालानुसार, भारतातील मसाल्यांची बाजारपेठ 70,000 कोटी रुपयांची आहे, ज्यामध्ये ब्रँडेड मसाल्यांचा वाटा केवळ 35 टक्के आहे. गेल्या वर्षी या इन्व्हेस्टमेंट बँकेने जारी केलेल्या एका पेपरमध्ये अंदाज वर्तवला होता की 2025 पर्यंत ब्रँडेड मसाल्यांची बाजारपेठ दुप्पट होऊन 50,000 कोटी रुपये होईल. Avendus चा अंदाज आहे की FY30 पर्यंत, 15 मसाल्यांच्या कंपन्यांना 1,000 कोटी रुपयांपेक्षा जास्त महसूल मिळण्याचा अंदाज आहे आणि यापैकी 4 कंपन्या वार्षिक उलाढालीत 5,000 कोटी रुपये गाठतील.