T20 World Cup 2022 First Finalist
टी20 विश्वचषक 2022चा पहिला उपांत्य सामना बुधवारी (9 नोव्हेंबर) पाकिस्तान विरुद्ध न्यूझीलंड या दोन संघांमध्ये खेळवण्यात आला. यावेळी पाकिस्तानी संघाने न्यूझीलंडवर 7 विकेट्सने मात करत अंतिम सामन्यात आपली जागा पक्की केली आहे. T20 विश्वचषक 2022 चा पहिला उपांत्य सामना सिडनी येथे खेळवला गेला. येथे न्यूझीलंडने प्रथम फलंदाजी करताना पाकिस्तानसमोर 4 गडी गमावून 152 धावा केल्या. न्यूझीलंडने दिलेल्या लक्ष्याचा पाठलाग करताना पाकिस्तानचा कर्णधार बाबार आझम आणि सलामीवीर मोहम्मद रिजवान या दोघांनीही अर्धशतकी खेळी करत संघाला विजय मिळवून दिला.
नाणेफेक जिंकून प्रथम फलंदाजी करताना न्यूझीलंडने पाकिस्तानसमोर 153 धावांचे लक्ष्य ठेवले होते. या सामन्यात न्यूझीलंडची सुरुवात खूपच खराब झाली. स्फोटक फिन ऍलन पहिल्याच षटकात अवघ्या चार धावा काढून पॅव्हेलियनमध्ये परतला. यानंतर डेव्हॉन कॉनवे 21 धावांवर बाद झाला आणि ग्लेन फिलिप्सने सहा धावा केल्या. 49 धावांत तीन गडी गमावल्यानंतर किवीज संघ गडगडला होता. यानंतर कर्णधार केन विल्यमसन आणि डॅरेल मिशेल यांनी 68 धावांची भागीदारी करत संघाची धावसंख्या 117 धावांपर्यंत नेली. केन विल्यमसन 42 चेंडूत 46 धावा करून बाद झाला. तर डॅरिल मिशेलने 35 चेंडूत नाबाद 53 धावा केल्या. शेवटी जेम्स नीशमने 12 चेंडूत 16 धावा करत न्यूझीलंडची धावसंख्या 4 बाद 152 पर्यंत नेली.
हे सुद्धा वाचा
Bharat Jodo Yatra in Maharashtra : शरद पवार भारत जोडो यात्रेला राहणार गैरहजर
Shetkari Samvad Yatra : शहाजी बापूंच्या मतदार संघात आदित्य ठाकरेंना तुफान प्रतिसाद
या लक्ष्याचा पाठलाग करताना पाकिस्तानी संघाचा कर्णधार बाबार आझम याने 42 चेंडूत 53 तर सलामीवीर फलंदाज मोहम्मद रिजवानने 43 चेंडूत 57 धावांची अर्धशतकी खेळी केली. याशिवाय फलंदाज मोहम्मद हॅरिसने 26 चेंडूत 30 धावा केल्या. यांच्या खेळीच्या जोरावर पाकिस्तानी संघाने 3 विकेट गमावरत शेवटच्या षटकांत विजय मिळवत फायनलमध्ये धडाकेदार प्रवेश केला आहे.
दरम्यान, टी20 विश्वचषकातील दुसरा उपांत्य सामना गुरुवारी (10 नोव्हेंबर) भारत आणि इंग्लंड या दोन संघांमध्ये ओव्हलच्या ऍडिलेड क्रिकेट स्टेडियम येथे खेळवला जाणार आहे. या सामन्यात विजय होणारा संघ रविवारी (13 नोव्हेंबर) पाकिस्तान विरुद्ध अंतिम सामना खेळेल.
उपनगर पोलिसांच्या गुन्हेशोध पथकाला दोघे संशयित दसक गावानजिकच्या महालक्ष्मीनगरमध्ये गावठी कट्टे विक्रीसाठी येणार असल्याची खबर…
गंगापूर धरणालगत गंगावऱ्हे गांव येथे गेल्या १४ दिवसांपासून सुरू असलेल्या गाळ उपसा मोहिमेमुळे गंगापूर धरणाची…
दोन टप्प्यातील निवडणुकांमध्ये अहंकारी आघाडीचा संसार बुडाल्याचे स्पष्ट झाल्याने निराश झालेले इंडी आघाडीचे नेते आता…
या निवडणुकीत एक गट राम मंदिराला विरोध करणाऱ्यांचा आहे, तर दुसरा गट राम मंदिर बनविणारा…
फ्रान्समध्ये येत्या 14 मे ते 22 मे 2024 दरम्यान कान्स फिल्म फेस्टिव्हल संपन्न होणार आहे.…
गेल्या अनेक वर्षांपासून शहरातील अनेक भागात एम एन जि एल तर्फे गॅस (MNGL Gas) वाहिनी…