बाळासाहेब थोरात म्हणाले, ‘कायदेशीर लढाईत काँग्रेसची भक्कम तयारी’

टीम लय भारी

मुंबई : ‘महाविकास आघाडी’ सरकार अडचणीत आल्याचे चित्र विरोधकांकडून रंगविले जात आहे. पण त्यात बिल्कूल तथ्य नाही. कायदेशीर लढाई सुरू झाली आहे. त्यासाठी काँग्रेसने नवी दिल्लीहून तज्ज्ञांची मदत घेतली आहे. कायदेशीर लढाई जिंकून आमचे सरकार टिकून राहील, असा विश्वास महसूल मंत्री बाळासाहेब थोरात यांनी व्यक्त केला.

बाळासाहेब थोरात पुढे म्हणाले की, सध्याच्या राजकीय स्थितीवर आम्ही काम करीत आहोत. सरकारी काम सुद्धा सुरू आहे. काल मी मंत्रालयात चार तास काम करीत होतो. प्रत्येक मंत्री आपापल्या खात्याचे काम सांभाळत आहेत. राज्याचा कारभार सुरळीत सुरू आहे. स्वतः मुख्यमंत्र्यांनी काल प्रमुख अधिकाऱ्यांसोबत बैठक घेतली होती. या बैठकीतही जनतेची कामे सुरळीत सुरू ठेवण्याचे आदेश मुख्यमंत्र्यांनी दिल्याचे थोरात म्हणाले.

हे सुद्धा वाचा :

‘एकनाथ शिंदेंकडून भाजपला अद्याप कोणताही प्रस्ताव नाही’

‘आमदारांना अधिकाऱ्यांच्या बदल्यांतून मलिदा मिळाला नाही म्हणून ते फुटले’

उद्धव ठाकरेंचा आरोप; भाजपला शिवसेना संपवायची आहे