सध्या जगभरात सोशल मिडीयाचा वापर मोठ्या प्रमाणावर सुरू आहे. अशा परिस्थितीत सोशल मिडीयाचे मालकी हक्क असणारे व्यक्ती मोठ्या प्रमाणावर पैसे कमावत आहेत. अशातंच आता जगातील सर्वात श्रीमंत उद्योगपती इलॉन मस्क यांनी ट्विटर डीलमध्ये पुन्हा एकदा यू-टर्न घेतला आहे. मीडिया रिपोर्ट्सनुसार, आता जुन्या डीलनुसार मस्क पुन्हा ट्विटर विकत घेण्याची चर्चा सुरू आहे. ब्लूमबर्ग या वृत्तसंस्थेनेही एका वृत्तात म्हटले आहे की, मस्कला ट्विटरवर अनेक नवीन गोष्टी जोडायच्या आहेत. ट्विटर डील पुन्हा पुढे जात असल्याच्या वृत्तांदरम्यान मस्कनेही पहिल्यांदाच हे ट्विट केले आहे.
इलॉन मस्क यांनी त्यांच्या नुकत्याच केलेल्या ट्विटमध्ये लिहिले आहे की, ट्विटर विकत घेतल्याने त्यांच्याकडून ‘एक्स’ या नवीन ऍपच्या निर्मितीला गती मिळेल, जे द एव्हरीथिंग ऍप असेल. या ट्विटनंतर मस्क ट्विटर डील पूर्ण करणार असल्याचे मानले जात आहे. अशा बातम्यांदरम्यान, अमेरिकी शेअर बाजारातही ट्विटरच्या शेअर्समध्ये जोरदार वाढ झाली.
हे सुद्धा वाचा
World Teachers Day : दोन-दोन शिक्षक दिन कशासाठी? जाणून घ्या सविस्तर माहिती
Navaratri Special : दूर्गापूजा निमित्त बंगाली अभिनेत्रीचा मनमोहक डान्स पाहिलात का?
ट्विटर शेअर्स झपाट्याने वाढले
मीडिया रिपोर्ट्समध्ये असे म्हटले आहे की मस्कने ट्विटरला पत्र पाठवून करार पूर्ण करण्याचा आपला इरादा व्यक्त केला आहे. यासंदर्भात त्यांनी अमेरिकन शेअर बाजारालाही माहिती दिली आहे. या कराराला यापूर्वीच भागधारकांची मान्यता मिळाली आहे. मस्कने ही सोशल मीडिया कंपनी $54.20 प्रति शेअर या दराने विकत घेण्याची ऑफर दिली होती. डीलच्या हालचालीच्या वृत्तांदरम्यान कंपनीचे शेअर्स 13 टक्क्यांनी $ 47.95 वर चढले.
ट्विटर अधिक जोडण्याची योजना आहे
यापूर्वी टेस्लाच्या सीईओने ट्विटरला अधिक उपयुक्त बनवण्याबाबत बोलले होते. ब्लूमबर्गच्या मते, मस्कला या सोशल मीडिया ऍपमध्ये वीचॅट किंवा टीक-टॉक सारख्या अनेक नवीन गोष्टी जोडायच्या आहेत. वीचॅट ही मेसेजिंग सेवा आहे आणि ती चीनमध्ये खूप लोकप्रिय आहे. चीनच्या मालकीची व्हिडिओ शेअरिंग सेवा टिक-टॉक नुकतीच यूएसमध्ये बंद करण्यात आली आहे.
दरम्यान, इलॉन मस्क याची ट्वीटर खरेदी करण्याची ही डील यशस्वी ठरल्यास त्याच्या उत्पन्नात मोठ्या प्रमाणावर वाढ होण्याची शक्यता आहे. याचे प्रमुख कारण म्हणजे ट्विटरची जगभरात असलेली प्रसिद्धी. अनेक मोठमोठ सेलिब्रिटी शिवाय देशांचे अद्यक्षदेकील स्वत: ट्विटरचा वापर करत आपल्या चाहत्यांना संदेश देत असतात. त्यामुळे इतर सर्व सोशल मिडीया ऍपपेक्षा ट्विटर वापरणाऱ्यांची संख्या मोठ्या प्रमाणावर आहे. म्हणूनच या डीलनंतर इलॉन मस्क याच्याकडे येणाऱ्या उत्पन्नात मोठ्या प्रमाणावर वाढ होण्याची शक्यता वर्तवली जात आहे.