श्रद्धा वालकर हत्या प्रकरणात साकेत न्यायालयाने रोहिणी फॉरेन्सिक सायन्स लॅबला आरोपी आफताब पूनावालाची पाच दिवसांत नार्को चाचणी करण्याचे आदेश दिले आहेत. आरोपी अफताब पूनावाला याने मे महिन्यात श्रद्धा वालकरची गळा दाबून हत्या करून तिच्या शरीराचे ३५ तुकडे करून सुमारे तीन आठवडे 300 लिटरच्या फ्रीजमध्ये ठेवले होते.
आरोपीची नोर्को टेस्ट करायची असल्यास त्यासाठी आरोपीची देखील परवानगी घेणे आवश्यक असते. आरोपी आफताब पूनावाला याला नोर्को टेस्टसाठी विचारले असता त्याने नार्को टेस्टला माझी संमती असल्याचे सांगितले होते. त्यामुळे आफताबची नार्कोटेस्ट करण्यासाठी आता न्यायालयाने देखील आदेश दिले आहेत. तसेच पोलिसांनी आफताबवर थर्ड डिग्रीचा वापर करू नये असे आदेश देखील पोलिसांना दिले आहेत.
पोलिसांनी दिलेल्या माहितीनुसार, पूनावालाने 18 मे रोजी संध्याकाळी त्याची ‘लिव्ह-इन पार्टनर’ श्रद्धा वालकर (27) हिचा गळा दाबून खून करून तिच्या शरीराचे 35 तुकडे केले आणि फ्रिजमध्ये ठेवले. त्यानंतर सुमारे 18 दिवस ते तुकडे त्याने दक्षिण दिल्लीतील मेहरौली येथील जंगलात फेकून दिले. पोलिसांनी आतापर्यंत श्रद्धाच्या मृतदेहाचे 13 तुकडे जप्त केले असून त्यात बहूातंश शरिराची हाडे आहेत.
एका अधिकाऱ्याने सांगितले की, तपासासंदर्भात पुरावे गोळा करण्यासाठी दिल्ली पोलिसांचे एक पथक शुक्रवारी गुरुग्रामला पोहोचले. आरोपीने श्रद्धाच्या कुजलेल्या मृतदेहाचे तुकडे, हत्यारे किंवा या प्रकरणाशी संबंधित काही त्याच्या कार्यालयाच्या आसपासच्या भागात फेकून दिले होते का, याचा शोध घेण्यात आला. या प्रकरणाच्या तपासासंदर्भात पुढील काही दिवसांत आरोपी पूनावाला याला हिमाचल प्रदेश, उत्तराखंड आणि इतर ठिकाणी नेण्यात येणार आहे.
हे सुद्धा वाचा:
सचिन वाझेला जामीन मंजूर; पण मुक्काम तुरूंगातच
VIDEO : भारत जोडो यात्रेत आई चिमुकल्यांसह सहभागी
दरम्यान श्रद्धा वालकर हीचे व्हॉट्सअॅप चॅट देखील समोर आले आहे. त्यामध्ये असे दिसून येते की, अफताब श्रद्धाला मारहाण तर करत होताच पण तिचे मानसिक शोषण देखील तो करत होता. श्रद्धा आणि तिच्या मित्रामध्ये व्हाटस् अपवर झालेले चॅट सध्या व्हायरल झाले आहे. यामध्ये ती अफताब आपला कसा छळ करत आहे हे मित्राला सांगत आहे. आफताबने मला खुप मारल्यामुळे मी बेडवरून उठू देखील शकत नसल्याचे तीने यामध्ये म्हटले आहे. तसेच आफताबने श्रद्धाला केलेल्या मारहाणीचा फोटो देखील समोर आला आहे. या फोटोमध्ये तीने आफताबने मारहाण केल्यानंतरच्या जखमा दाखवल्या आहेत. श्रद्धा वालकर हत्याप्रकरणामुळे सारा देश हादरून गेला असून आफताबला फाशीची शिक्षा व्हावी अशी मागणी देखील अनेक राजकीय नेत्यांनी केली आहे.
सलग दहा वर्षांपासून नाशिकचे खासदार राहिलेले हेमंत गोडसे (Hemant Godse) यांच्या संपुर्ण कुटुंबियांच्या नावे एकूण…
दिंडोरी लोकसभा (Dindori Lok Sabha) मतदारसंघातील महायुतीच्या उमेदवार केंद्रीय आरोग्य राज्यमंत्री डॉ.भारती पवारांच्या संपत्तीत (wealth)…
४० अंशाच्या आसपास तापमानाचा पारा असतानाही कार्यकर्त्यांचा अमाप उत्साह पाहता महायुतीच्या दाेन्ही उमेदवारांचा विजय जवळजवळ…
लोकसभा निवडणुकीसाठी गुरुवारी शिवसेना-भाजप महायुतीतर्फे (BJP alliance ) दिंडोरी मतदार संघासाठी डॉ. भारती पवार आणि…
लोकसभेच्या राज्यातील शेवटच्या टप्प्यातील उमेदवारी अर्ज दाखल करण्यास जेमतेम २ दिवसांचा कालावधी उरला असताना ठाणे…
अक्रोड हा अत्यंत पौष्टिक असा सुकामेवा असून यामध्ये हेल्दी फॅट, प्रोटिन्स, फायबर, मिनरल्स आणि व्हिटॅमिन्सचे…