लय भारी टीम
मुंबई : राज्यात कालपासून वरुणराजाने चांगलीच बॅटिंग करायला सुरूवात केली. मुंबई, मुंबई उपनगर, कोकण आणि राज्यातील इतर भागांना मुसळधार पावसाने झोडपले असून काही ठिकाणी केवळ संततधार पाहायला मिळत आहे. सतत कोसळणाऱ्या पावसामुळे वाहतुकीवर परिणाम झाला आहे, तर पावसाच्या हजेरीने बळीराजा सुखावला आहे.
मुंबईत अनेक ठिकाणी पाण्याचे साम्राज्य
सतत कोसळणाऱ्या पावसामुळे मुंबईतील बोरिवली रेल्वे स्थानकाबाहेर काल पाणी साचले होते, तर सायन पश्चिमेकडील रोड क्रमांक 6, अंधेरी सबवे, बांद्रा सायन मुख्यमार्ग, चेंबूर, सायन गांधी मार्केट अशा अनेक ठिकाणी सुद्धा पाणी साचले होते, मात्र पावसाने थोडा वेळ विश्रांती घेताच बऱ्याच ठिकाणचे पाणी ओसरले. दरम्यान शहरात पावसाची संततधार अजूनही सुरूच असून मुंबई आणि मुंबई उपनगरांना ऑरेंज अलर्ट देण्यात आला आहे.
कोकणात NDRF टीम सज्ज
कोकणातील रायगड, रत्नागिरी, सिंधुदुर्ग जिल्ह्यांत सुद्धा पावसाने जोरदार हजेरी लावली आहे. हवामान खात्याकडून पुढील चार दिवस मुसळधार ते अतिमुसळधार पाऊस पडणार असल्याची शक्यता वर्तवण्यात आली असून या पार्श्वभूमीवर NDRF टीम सज्ज ठेवण्यात आल्या आहेत.
मराठवाड्यात मुसळधारचा अंदाज
मराठवाड्यातील औरंगाबाद, जालना, हिंगोली, परभणी, नांदेड, बीड, लातूर, उस्मानाबाद जिल्ह्यातील काही भागां मुसळधार ते अतिमुसळधार पावसाचा अंदाज वर्तवण्यात आला आहे, तर काही भागांत 30-40 किलोमीटर प्रतितास वेगाने वादळ वारा व वीजेच्या गडगडाटासह मध्यम पावसाचा अंदाज हवामान खात्याकडून वर्तवण्यात आला आहे.
कालपासून वरुणराजाचे जोरदार आगमन झाले आहे, शिवाय पुढील काही दिवस मुसळधार पावसाचा अंदाज वर्तवण्यात आला आहे, त्यामुळे कुठेही बाहेर पडताना नागरिकांनी काळजी घ्यावी असे आवाहन करण्यात येत आहे.
हे सुद्धा वाचा…
‘ते’ वेळेत पोहोचले नाही… तर ‘ते’ रुसतात, असेही अनोखे प्रेम
नियमाप्रमाणे महापालिका हद्दीतील एखाद्या इमारतीचे ३० वर्षांपेक्षा अधिक आयुर्मान झाल्यास स्ट्रक्चरल ऑडिट करणे गरजेचे आहे.…
गुन्हेगारी टोळीतील आठ आरोपींना बंदुकीने फायर करणे महागात पडले. या आरोपींना माेक्का (MCOCA) लावण्यात आला…
भारतीय जनता पक्षाचा कर्नाटकातील मित्रपक्ष जेडीएसचा उमेदवार प्रज्वल रेवन्ना याने हजारो महिलांवर लैंगिक अत्याचार केले…
याअंतर्गत स्वीप उपक्रम प्रभावीपणे राबवला जात आहे. या उपक्रमा अंतर्गत नवीन नाशिक विभागात महिला बचत…
पालघर मधून एक धक्कादायक घटना काही दिवसांपूर्वी समोर आलीये. स्त्रियांवर आणि बालकांवरील अत्याचारात दिवसेंदिवस वाढ…
नुकत्याच पार पडलेल्या लोकसभा निवडणुकीत काँग्रेस आणि राष्ट्रवादीनं सपाटून मार खाल्ला होता. अशातच अजितदादांच्या मागं…