टीम लय भारी
मुंबई : ‘बाळासाहेब, आनंद दिघे व शिवसेनेशी प्रतारणा करणार नाही’ अशी लंगडी भूमिका ‘शिव’सेनेचे पळपुटे नेते एकनाथ शिंदे यांनी जाहीर केली आहे. पण शिंदे व त्यांच्या साथीदार आमदारांनी शिवाजी महाराजांच्या ऐतिहासिक कर्तृत्वासोबत प्रतारणा केली आहे. महाराष्ट्रातून पळ काढलेले एकनाथ शिंदे व सोबतचे आमदार सुरतमध्ये दोन दिवस लपून बसले होते. महाराष्ट्रासोबत सुरतचे ऐतिहासिक नाते आहे.
सुरत हे नाव जरी ऐकले तरी मराठी माणसांच्या नजरेसमोर शिवाजी महाराजांचा जाज्वल्य इतिहास उभा राहतो. शिवकालात सुरत हे शहर औरंगजेबाच्या मुघली कार्यक्षेत्रात येत होते. सुरत हे मुघल राजवटीतील मोठे व्यापारी केंद्र होते. औरंगजेबाचा आर्थिक कणा मोडण्यासाठी शिवाजी महाराजांनी सुरतेवर छापा मारला होता. तेथील संपत्ती लुटून ती त्यांनी स्वराज्याच्या उभारणीसाठी लावली होती.
महाराष्ट्रातून सुरतमध्ये जावून शिवरायांच्या मावळ्यांनी मराठी साम्राज्याची ताकद दाखविली होती. त्याच सुरतमध्ये एकनाथ शिंदे व त्यांचे साथीदार बिळात लपून बसावे तसे दोन दिवस लपून राहिले.
आपण शिवसेनेत आहोत. शिवसेनेतून अद्याप बाहेर पडलेलो नाही, असे शिंदे यांच्याकडून सांगितले जात आहे. पण शिवाजी महाराजांच्या नावावरून स्थापन झालेल्या ‘शिव’सेनेचा बाणा ते विसरलेले दिसत आहेत. भविष्यात सुरत शहराचा उल्लेख होईल तेव्हा शिवाजी महाराजांच्या कर्तृत्वाबरोबरच एकनाथ शिंदेचा पळपुटेपणाचाही उल्लेख होईल, यापूर्वी छगन भुजबळ, गणेश नाईक, नारायण राणे व राज ठाकरे यांनी शिवसेना सोडली होती. पण कुणीही महाराष्ट्राबाहेर पळून गेले नव्हते. पण एकनाथ शिंदे यांनी पळपुटेपणाचे दर्शन घडवून महाराष्ट्राचे नाक कापल्याचे बोलले जात आहे.
हे सुद्धा वाचा :
सेनेच्या नव्या गटनेत्याला बंडखोर आमदारांचा विरोध
जिल्हयात बुधवारी (ता.१५) महायुतीच्या उमेदवारांसाठी पंतप्रधान नरेंद्र मोदी, उपमुख्यमंत्री देवेंद्र फडणवीस यांसह भाजप नेत्यांनी सभा,…
शाळा बंद असल्याचे प्रमाणपत्र देण्यासाठी तसेच अल्प संख्यांक विकास बहुउद्देशीय संस्थेच्या अंतर्गत येणाऱ्या गुजराथी माध्यमिक…
सध्या अनेक सिनेमा प्रेक्षकांच्या भेटीला येत आहेत. वेग-वेगळे विषय घेवून अनेक सिनेमा रिलीज झाले आहेत.…
जगात भारताची प्रतिमा उंचावण्यासाठी प्रधानमंत्री नरेंद्र मोदी (Narendra Modi) यांनी महत्वाचे निर्णय घेतल्यामुळे आज आपला…
लोकसभा निवडणुकीचा चौथा टप्पा पार पडलेला आहे. याच पार्श्वभूमीवर लय भारीची टीम गेले काही दिवस…
आज मंगळवारी पिंपळगाव येथे होणाऱ्या जाहीर पंतप्रधान नरेंद्र मोदींच्या सभेत (Modi's rally) खोट्या आश्वासनाबद्दल जाब…