अमेरिकेचे माजी राष्ट्राध्यक्ष डोनाल्ड ट्रम्प यांना एका पॉर्नस्टारला पैसे दिल्याप्रकरणी अटक करण्यात आली होती. ट्रम्प हे पॉर्नस्टार स्टॉर्मी डॅनियल्सच्या प्रकरणात मॅनहॅटन कोर्टात हजर झाले होते. ट्रम्प न्यायालयात पोहोचताच त्यांना ताब्यात घेण्यात आले. यानंतर, ग्रँड ज्युरीच्या आरोपांचे न्यायालयात वाचन करण्यात आले. ज्युरीने डोनाल्ड ट्रम्प यांच्यावर तब्बल 34 आरोप लावले. यावर, ट्रम्प यांनी न्यायालयासमोर आपण निर्दोष असल्याचे सांगितले. यावेळी न्यायालयाने ट्रम्प यांना 1.22 लाख डॉलरचा दंड ठोठावला आहे. यामुळे पंतप्रधान नरेंद्र मोदी यांचा खास मित्र डोनाल्ड ट्रम्प यांच्या अडचणीत वाढ झाली आहे. याचबरोबर, डोनाल्ड ट्रम्प हे गुन्हेगारी आरोपांना सामोरे जाणारे अमेरिकेचे पहिलेच राष्ट्रपती ठरले आहेत.
या प्रकरणात 2016 च्या निवडणुकीपूर्वी पॉर्नस्टार डॅनियल स्टॉर्म्स हिला तिने तोंड बंद ठेवावे म्हणून पैसे दिल्याप्रकरणी मंगळवारी (दि. ३) न्यूयॉर्कच्या मॅनहटन न्यायालयासमोर ते शरण आले होते. अमेरिकेत राष्ट्राध्यक्षपदावर राहिलेल्या व्यक्तीस 234 वर्षांच्या इतिहासात प्रथमच फौजदारी प्रकरणाचा सामना करावा लागत आहे. ट्रम्प समर्थकांची संतप्त भावना पाहता न्यूयॉर्क न्यायालयात सुनावणीदरम्यान 25 हजारांवर पोलिसांचा बंदोबस्त होता. न्यायालय परिसरासोबत ट्रम्प टॉवरच्या आसपास बॅरिकेड्स लावण्यात आले होते. न्यूयॉर्कसोबत वॉशिंग्टनमध्ये कॅपिटल हिल आणि अन्य शहरांतही सुरक्षा वाढवली होती. या खटल्यामुळे 2024 मध्ये पुन्हा व्हाईट हाऊसमध्ये दाखल होण्याचे ट्रम्प यांचे स्वप्नही भंगण्याची शक्यता आहे.
डोनाल्ड ट्रम्प अटकेनंतर माध्यमांशी बोलताना म्हणाले की, अमेरिकेत असे काही घडू शकते असे मला कधीच वाटले नव्हते. माझ्या देशाचे निर्भयपणे रक्षण करणे हा एकमेव गुन्हा मी केला आहे.
काय आहे आरोप?
पोर्नस्टार डॅनियल हिने ट्रम्प यांच्यासोबत तिचे 2006 मध्ये अनैतिक संबंध असल्याचा दावा केला होता. 2016 मधील अमेरिकन राष्ट्राध्यक्षपदाच्या निवडणुकीपूर्वी स्वतःचे माजी वकील मायकेल कोहेन यांच्या माध्यमातून ट्रम्प यांनी डॅनियल्सला तिने गप्प राहावे म्हणून 130,000 डॉलर अदा केले होते, असा आरोप आहे. अर्थात अमेरिकेत विवाहेतर संबंध गुन्हा नाही, लैंगिक संबंधाबद्दल पैसे देणेही गुन्हा नाही. मात्र, ट्रम्प यांनी पॉर्न स्टारला दिलेला पैसा हा खर्च म्हणून अन्य निवडणूक खर्चात दाखविला, असा त्यांच्यावर आरोप आहे.
हे सुद्धा वाचा:
भारताच्या 5 पट महागाई दर असणारा ‘पाक’ विनाशाच्या उंबरठ्यावर: इम्रान खान
चीनमध्ये तिसऱ्यांदा हुकूमशहा जिनपिंगची सत्ता!
Donald Trump porn star case, Donald Trump porn star case 34 more accusations
हिरावाडी रोडवरील (Hirawadi Road) नंदनी अगरबत्ती पाठीमागील परिसरात मोकळ्या भूखंडात ठेवलेल्या शेती उपयोगी पाईपांना (pipes)…
नाशिक जिल्ह्यात शिक्षकांच्या वेतनास ग्रहण लागले आहे.प्राथमिक शिक्षकांचे वेतन प्रत्येक महिन्याच्या १ तारखेलाच व्हावेत, यासाठी…
एकीकडे परवानगी नसल्याने आवर्तन सोडणार नाही असे महिनाभर अगोदरच सांगण्यात आले आणि आता कोणाच्या परवानगीने…
रत्नागिरी सिंधुदुर्ग लोकसभा मतदारसंघाचे भाजपचे उमेदवार नारायण राणेंच्या प्रचारासाठी केंद्रीय गृहमंत्री अमित शाह (Amit Shah)…
उपनगर पोलिसांच्या गुन्हेशोध पथकाला दोघे संशयित दसक गावानजिकच्या महालक्ष्मीनगरमध्ये गावठी कट्टे विक्रीसाठी येणार असल्याची खबर…
गंगापूर धरणालगत गंगावऱ्हे गांव येथे गेल्या १४ दिवसांपासून सुरू असलेल्या गाळ उपसा मोहिमेमुळे गंगापूर धरणाची…