SBI New Scheme : एकदा पैसै टाका अन् महिनाभर नफा कमवा! ‘एसबीआय’चा नवा प्लॅन माहितीये का?

एखाद्याला नेहमी आपले जमा केलेले भांडवल अशा ठिकाणी गुंतवायचे असते, जेथे त्याचे पैसे सुरक्षित असतील आणि त्याच वेळी त्याला निश्चित परतावा मिळू शकेल. पण काही वेळा चुकीच्या ठिकाणी गुंतवणूक केल्याने नफ्याऐवजी समस्या निर्माण होतात. अशा परिस्थितीत तुम्ही योग्य ठिकाणी गुंतवणूक करणे अत्यंत महत्त्वाचे ठरते. आज आम्‍ही तुम्‍हाला अशाच काही योजनांबद्दल सांगत आहोत, जेथे तुम्‍ही गुंतवणूक करण्‍याचा विचार केला पाहिजे. या योजनांसह, तुम्हाला ठराविक कालावधीनंतर मासिक उत्पन्न मिळू लागते. आम्ही तुम्हाला SBI च्या अ‍ॅन्युइटी प्लॅनबद्दल सांगत आहोत. देशातील सर्वात मोठी बँक स्टेट बँक ऑफ इंडिया (SBI) सर्वात सुरक्षित पर्यायांपैकी एक आहे. SBI आपल्या ग्राहकांना मुदत ठेव (FD) ते सार्वजनिक भविष्य निर्वाह निधी (PPF) मध्ये बचत करण्याचा पर्याय देते. बँकेच्या काही योजनांमध्ये गुंतवणूक करून तुम्ही दरमहा पैसे कमवू शकता. चला तर मग जाणून घेऊया या बचत योजनांबद्दल…

SBI वार्षिकी योजना
SBI च्या या योजनेत 36, 60, 84 किंवा 120 महिन्यांच्या कालावधीसाठी गुंतवणूक करता येते. यातील गुंतवणुकीवरील व्याजदर निवडलेल्या कालावधीसाठी मुदत ठेवींप्रमाणेच असेल. समजा, जर तुम्ही पाच वर्षांसाठी निधी जमा केला, तर तुम्हाला पाच वर्षांच्या मुदत ठेवीवर लागू असलेल्या व्याजदरावर व्याज मिळेल. प्रत्येकजण या योजनेचा लाभ घेऊ शकतो.

हे सुद्धा वाचा

Amravati Railway Accident : अमरावतीत रेल्वे अपघात! गाडीचे 20 डबे रुळावरून घसरले

WhatsApp : भावा वैताग आलेला नुस्ता…! व्हाट्स अ‍ॅप गंडलं होतं…..

diwali wishes: समीर वानखेडे, क्रांती रेडकर यांच्या घरी रामदास आठवलेंची खास भेट; वाचा काय म्हणाल्या क्रांती रेडकर

SBI च्या अ‍ॅन्युइटी स्कीममध्ये मासिक अ‍ॅन्युइटीसाठी किमान रु 1000 जमा केले जाऊ शकतात. यामध्ये जास्तीत जास्त गुंतवणुकीला मर्यादा नाही. अ‍ॅन्युइटी पेमेंटमध्ये, ग्राहकाने जमा केलेल्या रकमेवर ठराविक कालावधीनंतर व्याज जमा होण्यास सुरुवात होते. या योजना भविष्यासाठी खूप चांगल्या आहेत.

आवर्ती ठेव (RD) योजना
सामान्यतः मध्यमवर्गीय लोक आरडीमध्ये गुंतवणूक करून त्यांचे भविष्य सुरक्षित करतात. आरडीमध्ये, लहान बचतींद्वारे दरमहा एक निश्चित रक्कम जमा केली जाते आणि परिपक्वतेवर व्याजासह निश्चित रक्कम प्राप्त होते. रिकरिंग डिपॉझिट सामान्य लोकांमध्ये खूप आवडते.

दरम्यान, एसबीआय अथवा कोणत्याही इतर बँकेतील अशा योजनांबद्दल माहिती देत असताना ‘लय भारी’ कतोणत्याही प्रकारची जाहिरात करत नाही. शिवाय यामध्ये सांगितलेली माहिती पूर्णपणे योग्य असेल अशी ग्वाही देत नाही. त्याचबरोबर कोणत्याही प्रकारचा नफा मिळवून देण्याची जबाबदारी देखील आम्ही स्विकारत नाही. त्यामुळेच अशा कोणत्याही योजनांमध्ये आपल्या वैयक्तिक जबाबदारीवर पैसे गुंतवावेत.