ऋतुराज आणि उत्कर्षाच्या हातावर खुलली मेहंदी; या तारखेला होणार शुभमंगल!

आयपीएलच्या 16 व्या सिझनची नुकतीच सांगता झाली आहे. यावर्षीचे विजेतेपद चैन्नईने आपल्या नावावर कोरले आहे. त्यानंतर ऋतुराज गायकवाड याच्या लग्नाच्या चर्चा जोरदार रंगल्या होत्या. आता त्या चर्चांना पुर्णविराम मिळाला आहे. अखेर ऋतुराज आणि उत्कर्षाच्या लग्नाची तारीख समोर आली आहे. ऋतुराज गायकवाड उत्कर्षा पवारसोबत 3 जून रोजी विवाहबंधनात अडकणार आहे. त्यांच्या मेहंदीचे फोटोही व्हायरल झाले आहे. यामध्ये ऋतुराज आणि उत्कर्षा आपापल्या हातावरील मेहंदी दाखवताना दिसत आहेत. यातील एक फोटोंमध्ये त्यांनी लग्नाची तारीख सांगितली आहे. उत्कर्षाच नव्हे तर ऋतुराजने सुद्धा आपल्या होणाऱ्या बायकोचं नाव वेगळ्याच अंदाजत आपल्या हातावर लिहिलं आहे. ऋतुराजने दोघांच्या ही नावाचं पहिलं अक्षर लिहिताना R अक्षरामध्ये क्रिकेटची बॅट दाखवली आहे आणि खाली उत्कर्षाचं पूर्ण नाव लिहीत हार्टचा इमोजी दिला आहे. तर दुसऱ्या हातावर त्यांच्या लग्नाचा हॅशटॅग त्याने वापरला आहे.त्यात ३ जून असेही लिहिले आहे.
उत्कर्षा पवार नेमकी आहे तरी कोण –
फार कमी लोकांना माहित असेल की उत्कर्षा ही सुद्धा एक क्रिकेटपटू आहे.उत्कर्षा ही पुण्याची राहणारी आहे. तिने देशांतर्गत स्पर्धामध्ये महाराष्ट्र आणि पश्चिम विभागाचे प्रतिनिधित्व केले आहे.ती आता महाराष्ट्र महिला क्रिकेट संघाकडून क्रिकेट खेळते. ती एक अष्टपैलू खेळाडू असून फलंदाजीसोबतच ती वेगवान गोलंदाजही आहे. तिने कथ्थक नृत्य प्रकाराचे औपचारिक प्रशिक्षण घेतले आहे आणि तिला फावल्या वेळात नृत्य करायला आवडते.
ऋतुराज गायकवाडने वर्ल्ड टेस्ट चॅम्पियनशिप स्पर्धेच्या अंतिम सामन्यातून माघार घेतली असून त्याच्या ऐवजी यशस्वी जयस्वालला राखीव खेळाडू म्हणून भारतीय संघात स्थान दिलं गेलं आहे.3जून रोजी लग्न ठरल्याने त्याने या स्पर्धेतून माघार घेण्याचा निर्णय घेतला आहे.