सचिन तेंडुलकर म्हणजे क्रिकेटच्या प्रेक्षकांचा देव. अशा या देवाचा कुणी भव्य पुतळा उभारला तर? अगदी कुणी कशाला आपल्या मुंबई क्रिकेट असोसिएशनने सचिन तेंडुलकरचा भव्य पूर्णाकृती पुतळा उभारला आहे. आता तुम्ही विचारला, कुठे आहे हा पुतळा? आम्हाला आजपर्यंत का कळले नाही? तर जरा थांबा, तुमचे प्रश्न थांबवा कारण पुतळा तयार आहे फक्त त्याचे अनावरण व्हायचे आहे. एकदिवसीय वर्ल्डकपचे औचित्य साधून १ नोव्हेंबरला क्रिकेटचा महामेरू, भारतरत्न सचिन तेंडुलकर याच्या पुतळ्याचे अनावरण होणार आहे. क्रिक्रेटप्रेमी आणि खास करून सचिन तेंडुलकर प्रेमींसाठी हा दिवस अगदी खास असणार आहे.
वास्तविक सचिन तेंडुलकरचा हा पुतळा काही महिन्यांपूर्वीच पूर्ण झाला आहे. याचे अनावरण सचिनच्या वाढदिवसी म्हणजेच २४ एप्रिलला करण्याचे प्रयत्न होते. जर तेव्हा शक्य झाले नाही तर आयसीसी वर्ल्डकपमध्ये अनावरण करण्याचे ठरवले होते. त्याप्रमाणे आज सायंकाळी ५ वाजता वानखेडे स्टेडियममधील सचिनच्या पुतळ्याचे अनावरण करण्यात येणार आहे. यावेळी राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित राहणार आहेत.
The Sachin Tendulkar statue will be unveiled tomorrow at the Wankhede Stadium.
Maharashtra CM and Deputy CM will be present at the event!pic.twitter.com/DGq7S9AUhy
— Mufaddal Vohra (@mufaddal_vohra) October 31, 2023
हे ही वाचा
सुधीर मुनगंटीवारांच्या हस्ते सरदार पटेल,महात्मा गांधी यांच्या पत्रव्यवहारावरील ग्रंथ प्रकाशित
गणपतराव देशमुखांच्या नातवाने मराठ्यांसाठी केले मुंडण !
राज्यावर दुष्काळाचे गडद सावट; ४० तालुक्यात दुष्काळ जाहीर
२४ एप्रिल १९७३ ही सचिन तेेंडुलकरची जन्मतारीख. यंदा सचिन ५० वर्षांचा झाला. या निमित्ताने त्याच्या पन्नासाव्या वाढदिवसानिमित्त ‘एमसीए’कडून सचिनला ही भेट आहे. क्रिकेटमध्ये सचिनची खास ओळख म्हणजे त्याचा स्ट्रेट ड्राईव्ह. सचिनचा पुतळा म्हणजे त्याची स्ट्रेट ड्राईव्ह शैलीत फटका मारतानाचा पुतळा आहे. संपूर्ण ब्रॉन्झमध्ये घडवलेल्या या पुतळ्याची उंची २२ फूट आहे. चबुतऱ्यासह पुतळ्याची उंची २२ फूट आहे. वानखेडे स्टेडियममधील विजय मर्चंट स्टँड आणि सचिन तेंडुलकर स्टँडच्या मधोमध सचिन तेंडुलकरचा पुतळा उभारण्यात आलेला आहे.
१६ नोव्हेंबर २०१३ रोजी सचिनने आंतरराष्ट्रीय क्रिकेटमधून निवृत्ती घेतली. तत्पूर्वी सचिन तेंडुलकर भारताकडून २०० कसोटी सामने खेळला. त्यातील ३२९ इनिंगमधून त्याने १५ हजार ९२१ धावा काढल्या. त्याने कसोटीमध्ये ५१ शतके, ६८ अर्ध शतके काढली असून कसोटीमध्ये २४८ या त्याच्या सर्वाधिक धावा आहेत.