साऊथची अभिनेत्री रश्मिका मंदान्ना (Rashmika Mandanna) आपल्या अपवादात्मक अभिनयाने कौशल्याने आणि अप्रतिम सौंदर्याने प्रेक्षकांची मने जिंकण्यासाठी ओळखली जाते. त्याचप्रमाणे आपल्या दमदार अभिनयाच्या जोरावर तिने देशभरात ठसा उमटवला आहे. रश्मिका मंदान्नाचे गोंडस रूप आणि तिचे व्यक्तिमत्व इतके आकर्षक आहे की प्रत्येकजण तिच्यासाठी वेडा झाला आहे, चाहत्यांनी तिला ‘नॅशनल क्रश’चा टॅग देखील दिला आहे. रश्मिका मंदाना सोशल मीडियावर खूप लोकप्रिय आहे, परंतु अलीकडेच रश्मिकाने इन्स्टाग्रामवर तिचा मेकअप नसलेला सेल्फी पोस्ट केला आणि तिला नेटकऱ्यांनी चांगलेच ट्रोल केले आहे.
भारताची राष्ट्रीय क्रश मानली जाणारी ही अभिनेत्री सहा वेगवेगळ्या भाषांमधील तिच्या अस्खलिततेमुळे प्रेक्षकांशी अनोख्या पद्धतीने जोडली गेलेली आहे. भाषेतील अडथळे तोडून, ती अधिकाधिक प्रेक्षकांना आकर्षित करण्यात आणि तिच्या चाहत्यांशी सखोल संबंध निर्माण करण्यात सक्षम झाली आहे. रश्मिकाने नुकताच तिचा नो मेकअप लूक फोटो इंस्टाग्रामवर शेअर केला आहे. ज्यामध्ये तिने हिरवा स्वेटर घातला आहे आणि ती तिच्या चेहऱ्यावर विखुरलेल्या केसांसह एक गोंडस पाउट बनवताना दिसत आहे. रश्मिकाने फोटोसोबत कॅप्शन लिहिलं, ‘मला कसं पाऊट करायचं ते कळत नाही त्यामुळे हे सरळ चुंबन आहे…’, अशा आशयाचे कॅप्शन टाकत तिने फोटो इंस्टाग्रामवर शेअर केला आहे.
View this post on Instagram
रश्मिकाचा हा फोटो खूपच सुंदर आहे. पण काही यूजर्सना अभिनेत्रीचा नो मेकअप लूक अजिबात आवडलेला नाहीये. नेटकऱ्यांनी अभिनेत्रीच्या फोटोवर कमेंट करायला सुरुवात केली आहे. लोकांनी अभिनेत्रीच्या चेहऱ्यावरील एका केसावरुन तिला ट्रोल करण्यास सुरुवात केली. काही लोक तिला दाढी करण्याचा सल्ला देत आहेत, तर काही केसांना दाढी-मिशी म्हणत कमेंट तिला ट्रोल केले आहे.
हे सुद्धा वाचा:
रश्मिकाची अस्सल मराठमोळी नृत्य अदाकारी..!
रश्मिका मंदाना अन् विजय देवरकोंडाचे रिलेशन उघड? वाचा अभिनेत्रीने केलेली खास पोस्ट
अमृता फडणवीसांनी घेतले आशा भोसलेंकडून संगीताचे धडे!
रश्मिका मंदान्ना मुव्हीजच्या वर्कफ्रंटबद्दल बोलायचे तर, रश्मिकाने तिच्या अभिनय कारकिर्दीची सुरुवात ‘किरिक पार्टी’ या तेलगू चित्रपटातून केली. त्यानंतर साऊथमध्ये बॅक टू बॅक हिट चित्रपट तिने दिले. तिचे गीता गोविंदम, पुष्पा चित्रपट चांगलेच गाजले. देशभरातील मने जिंकणारी रश्मिका आता आता लवकरच बॉलिवूड चित्रपटातही दिसणार आहे. रश्मिकाचे आगामी चित्रपट म्हणजे रणबीर कपूरसोबतचा ‘अ‍ॅनिमल’ आणि अल्लू अर्जुनसोबत ‘पुष्पा 2’ मध्ये दिसणार आहेत.
Rashmika Mandanna, Rashmika Mandanna trolled on instagram