टीम लय भारी
इंदौर : कोरोनाच्या विळख्यामध्ये आता मध्य प्रदेशचे मुख्यमंत्री शिवराज सिंह चौहान सुध्दा आले आहेत. चौहान यांना कोरोनाची लागण झाली आहे. त्यांचा कोरोना चाचणीचा रिपोर्ट पॉझिटिव्ह आला आहे. शिवराज सिंह चौहान यांनी स्वत: टि्वट करुन त्यांना करोनाची बाधा झाल्याची माहिती दिली आहे.
मुझे डॉक्टर्स ने अस्पताल में भर्ती होने की सलाह दी है, मैं #COVID19 डेडिकेटेड चिरायु अस्पताल में भर्ती होने जा रहा हूँ। कोरोना के मरीज को ज़िद नहीं करना चाहिए कि हम होम क्वारन्टीन ही रहेंगे या अस्पताल नहीं जायेंगे। हमें डॉक्टर्स के निर्देश का पालन करना चाहिये।
— Shivraj Singh Chouhan (@ChouhanShivraj) July 25, 2020
“माझ्यामध्ये करोना व्हायरसची लक्षणे दिसत होती. त्यामुळे मी टेस्ट केली. माझा रिपोर्ट पॉझिटिव्ह आला आहे. माझ्या संपर्कात आलेल्या सर्व सहकाऱ्यांनी त्यांची करोना टेस्ट करुन घ्यावी, तसेच त्यांनी स्वत:ला क्वारंटाइन करुन घ्यावे” असे आवाहन शिवराज सिंह चौहान यांनी केले आहे.
सर्व नियमांचे पालन करुन क्वारंटाइन होणार असल्याचे शिवराज सिंह चौहान यांनी सांगितले आहे. त्यांनी सर्व नागरिकांना आपली काळजी घेण्याचे आवाहन केले आहे. “करोनावर वेळीच उपचार झाले तर व्यक्ती बरी होते. २५ मार्चपासून मी दररोज संध्याकाळी राज्यातील करोनाच्या स्थितीची समीक्षा करण्यासाठी बैठक करायचो. आता मी व्हिडीओ कॉन्फरन्सिंगच्या माध्यमातून समीक्षा बैठक करण्याचा प्रयत्न करेन” असे शिवराज सिंह चौहान यांनी आपल्या टि्वटमध्ये म्हटले आहे.