टीम लय भारी
नागपूर : गुबगुबीत, निरागस व खोडकर इवल्याशा बिबट्याच्या पिलांना राज्यपाल भगतसिंह कोश्यारी यांनी डोळे भरून पाहिले. नागपूर येथे कोश्यारी यांनी विविध प्राण्यांना जवळून पाहिले व त्यांच्याविषयी ममत्व व्यक्त केले (Governor Bhagat Singh Koshyari visited the Wildlife Training and Research Project).
महाराष्ट्र पशु व मत्स्य विज्ञान विद्यापीठ (म्हाफसू) व वन विभागाद्वारे नागपूरमध्ये वन्य जीव प्रशिक्षण व संशोधन केंद्र चालविण्यात येते. या केंद्राला कोश्यारी यांनी आज भेट दिली.
यावेळी कुलगुरू डॉ. आशीष पातूरकर व महाराष्ट्र वन विकास महामंडळाचे व्यवस्थापकीय संचालक डॉ. एन. रामबाबू उपस्थित होते. या केंद्राच्या प्रकल्पाबाबतचा आढावाही राज्यपालांनी यावेळी घेतला.