संगमनेर येथून नाशिकमध्ये गोमांस विक्री करण्यासाठी आलेल्या दोघा संशयितांना गुन्हेशाखा युनिट एकच्या पथकाने अटक केली आहे. त्यांच्या ताब्यातून जवळपास ५०० किलो गोमांस आणि पिकअप व्हॅन असा एकूण ८ लाख ७५ हजार रुपयांचा मुद्देमाल पोलिसांनी जप्त केला आहे. या संशयितांविरोधात मुंबईनाका पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी कि, गुन्हे शाखा एकचे पोअं मुक्तार शेख, आप्पा पानवळ यांना माहिती मिळाली की, संगमनेर येथुन एक संशयित गोवंश जनावंराची कत्तल करून त्याचे मांस विक्री करण्यासाठी मुंबईनाका पोलीस ठाणे हद्दीतील खोडेनगर येथे विक्री करण्यासाठी येणार असल्याची माहिती मिळाली होती.
हि माहिती मिळताच वरिष्ठ पोलीस निरीक्षक विजय ढमाळ यांच्या मार्गदर्शनाखाली पोउनि चेतन श्रीवंत, पोना मिलींदसिंग पदरेशी, पोअं मुक्तार शेख, आप्पा पानवळ, राजेश राठोड, नितीन जगताप, जगेश्वर बोरसे, राहुल पालखेडे, चासपोउनि किरण शिरसाठ यांच्या पथकाने खोडेनगर येथे सापळा रचून पिकअप क्रमांक एम. एच. १४ डी. एम. ३००६ हिला ताब्यात घेत संशयित अमीर असद कुरेशी, २७, रा. संगमनेर, जि. अहमदनगर आणि सलमान इक्बाल कुरेशी, २८, रा. चौकमंडई भद्रकाली नाशिक यांना ताब्यात घेतले.