सारथी संस्थेच्या उभारणीसाठी नवी मुंबई खारघर येथील भूखंड देण्याचा मुख्यमंत्र्याचा निर्णय

टीम लय भारी

नवी मुंबई : मंत्रीमंडळाच्या बैठकीत राज्याच्या मुख्यमंत्र्यानी (Uddhav thackeray) काही महत्त्वाचे निर्णय घेतले आहे. त्यापैकी एक निर्णय हा सारथी संस्थेसाठी महत्त्वपूर्ण आहे. छत्रपती शाहू महाराज संशोधन प्रशिक्षण व मानव विकास संस्था (सारथी) या संस्थेस नियोजन विभागामार्फत नवी मुंबईतील खारघर सेक्टर 37, मधील 3 हजार 500 चौ.मी. क्षेत्रफळाचा भूखंड देण्याचा निर्णय झाला.(Uddhav thackeray decision to allot land Navi Mumbai)

राज्य शासनाने मराठा, कुणबी, कुणबी-मराठा व मराठा-कुणबी यांच्या शैक्षणिक, आर्थिक व सामाजिक उन्नतीसाठी या संस्थेची स्थापना केलेली आहे. सारथी संस्थेमार्फत राज्यातील पुणे, कोल्हापूर, नागपूर, नाशिक, औरंगाबाद, लातूर, अमरावती व मुंबई येथे विभागीय कार्यालय, वसतिगृहे, अभ्यासिका व ग्रंथालय, कौशल्य विकास केंद्र, सैन्य व पोलिस भरती पूर्व प्रशिक्षण केंद्र, ज्येष्ठ नागरिक समुपदेशन कक्ष, महिला सक्षमीकरण केंद्र सुविधा (Uddhav thackeray) विकसित करण्यात येणार आहेत.

तसेच विद्यार्थ्यांसाठी 500 मुलांचे व 500 मुलींचे स्वतंत्र निवासी वसतिगृहदेखील विकसित करण्यात येईल. या अंतर्गत नवी मुंबई येथील केंद्रासाठी सिडकोच्या माध्यमातून खारघर सेक्टर 37, मधील 3 हजार ५०० चौ.मी. क्षेत्रफळाचा हा भूखंड नाममात्र दराने भाडेपट्ट्याने शासनाच्या नियोजन (Uddhav thackeray) विभागास देण्यात येणार आहे.