सलमान खाननंतर आता संजय राऊतांना लॅारेन्स बिश्नोई गॅंगकडून जीवे मारण्याची धमकी

शिवसेना (उद्धव ठाकरे) नेते खासदार संजय राऊत यांना लॅारेन्स बिश्नोई गॅगकडून जीवे मारण्याची धमकी देण्यात आली आहे. संजय राऊत यांच्या मोबाईलवर धमकीचा संदेश आला असल्याची माहिती मिळत आहे. संजय राऊत यांनी याबाबत फिर्याद दिली असून पोलीस अधिक तपास करीत आहेत.

खासदार संजय राऊत यांना लॉरेन्स बिश्नोई टोळीकडून दिल्लीतील पंजाबी गायक सिद्धू मूसेवाला यांच्याप्रमाणे हत्या करण्याचा उल्लेख करणारा धमकीचा संदेश आला आहे. हिंदू विरोधी असल्यामुळे मारून टाकू असा उल्लेख मॅसेजमध्ये करण्यात आला आहे. दिल्लीत आल्यावर AK47 ने उडवून टाकू. मुसेवाला टाईपमध्ये मारु. लॅारेन्सकडून तुला हा संदेश आहे. सलमान आणि तू फिक्स आहेस, तयारी करून ठेव. त्याचप्रमाणे अश्लील शिवीगाळ करत हा मॅसेज राऊत यांना पाठवण्यात आला आहे. दरम्यान राऊत यांनी याबाबत पोलिसांत तक्रार दिली असून, पोलिसांचे तपास कार्य सुरू आहे.