नीतेश राणेंकडून माझ्या जिवाला धोका; शिवसेना उमेदवार सतिश सावंतांचा आरोप

नीतेश यांनी मुंबई, औरंगाबाद, कोल्हापूर व इतर भागातील गुंड कोकणात विविध भागात आणून ठेवले आहेत. त्यांच्यापासून माझ्या जिवाला धोका आहे. माझ्यावर हल्ला होऊ शकतो. मला पोलीस संरक्षण हवे आहे, असे सावंतांनी एका वृत्तवाहिनीशी बोलताना सांगितले.

कणकवली मतदारसंघात भाजपचे नीतेश राणे विरुद्ध शिवसेनेचे सतिश सावंत अशी लढत होत आहे. शिवसेना व भाजपा युती असूनही शिवसेनेने येथे भाजपा विरोधात बंड पुकारून राणेच्या पराभवासाठी सर्व शक्ती पणाला लावली आहे. यामुळे येथील सामना चांगलाच रंगला आहे.