Hrithik Roshan Video : गरबा क्विन फाल्गुनी पाठकसोबत हृतिकचा शानदार गरबा पाहिलात का?

सर्व भारतभरात सध्या नवरात्रौत्सव मोठ्या उत्साहात साजरा केला जात आहे. या काळात अनेक सेलिब्रिटीज सुद्धा विविध ठिकाणी गरब्याच्या तालावर ठेका धरताना पाहयला मिळत असतात. अशाच एका कार्यक्रमात गरबा क्विन म्हणून प्रचलित असलेल्या फाल्गुनी पाठक हिच्या सोबत बॉलिवूडचा सुपरस्टार हृतिक रोशन थिरकताना दिसला. विशेष म्हणजे ऋतिक रोशन याचा नविन चित्रपट विक्रम वेधा प्रेक्षकांच्या भेटीला आला आहे. एका मोठ्या कालावधीनंतर हृतिक रोशनने अभिनय केलेला चित्रपट 30 सप्टेंबरपासून प्रेक्षकांच्या भेटीला आला आहे. त्यामुळे आधीच हृतिक रोशन अनेक ठिकताणी चर्चेचा विषय ठरत आहे. अशांतच आता त्याने फाल्गुनी सोबत केलेला खास डान्स सुद्धा तुफान व्हायरल होत आहे.

हृतिक रोशन त्याच्या ‘विक्रम वेधा’ या चित्रपटामुळे चर्चेत आहे. प्रदीर्घ प्रतिक्षेनंतर 30 सप्टेंबर 2022 रोजी थिएटरमध्ये रिलीज झालेला हा सिनेमा बराच काळ चर्चेत होता. या चित्रपटात हृतिकसोबत सैफ अली खानही दिसला होता. दोघांनीही चित्रपटात उत्तम अभिनय केला आहे. एकीकडे ‘विक्रम वेधा’ने बॉक्स ऑफिसवर दबदबा निर्माण केला तर दुसरीकडे हृतिक-सैफ या चित्रपटाचे जोरदार प्रमोशन करत आहेत. दरम्यान, हृतिक रोशनचा एक व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये तो गरबा क्वीन, डान्सिंग सेन्सेशन आणि सर्वोत्कृष्ट गायिका फाल्गुनी पाठकसोबत स्टेजवर गरबा सादर करताना दिसत आहे.

हे सुद्धा वाचा

Maitreya Scam Update : मैत्रेय विरोधातील लढ्यासाठी नागरिकांची गांधीगिरी; राज्यभरात धरणे आंदोलन

INDvsSA T20I : सूर्याच्या फटकेबाजीमुळे रोहितने रचलाय इतिहास; अशी कामगिरी करणारा एकमेव भारतीय कर्णधार

Narendra Patil : ‘हिंदुंना अशा पद्धतीने लक्ष्य केले जात असेल तर आम्ही गप्प बसणार नाही’

बॉलिवूडचा ग्रीक गॉड असण्यासोबतच, हृतिक रोशन त्याच्या किलर डान्सिंग स्किल्स आणि उत्कृष्ट अभिनयासाठी ओळखला जातो. सोशल मीडियावर व्हायरल होत असलेल्या या व्हिडीओमध्ये हृतिकने पुन्हा एकदा आपल्या नृत्य कौशल्याने चाहत्यांना मंत्रमुग्ध केले आहे. गरबा करताना त्याची स्टाइल आणि डान्स स्टेप्स खूप छान होत्या. फाल्गुनी पाठकसोबत हृतिकची ही गरबा स्टाइल सर्वांनाच आवडते. व्हिडिओमध्ये हृतिकची नवरात्री उत्साहात आणि उत्साहात साकारली जात आहे. व्हिडिओमध्ये हृतिक डेनिम जीन्स आणि व्हाईट ओपन शर्टमध्ये दिसत आहे. त्याचबरोबर फाल्गुनी हिरव्या रंगाच्या पोशाखात दिसत आहे.

आता हृतिकच्या नुकत्याच प्रदर्शित झालेल्या ‘विक्रम वेधा’ या चित्रपटाबद्दल बोलूया, ज्याचे दिग्दर्शन पुष्कर-गायत्री यांनी केले आहे. या चित्रपटात हृतिक-सैफशिवाय रोहित सराफ आणि राधिका आपटे देखील महत्त्वाच्या भूमिकेत दिसले होते. मीडिया रिपोर्ट्सनुसार हा चित्रपट बॉक्स ऑफिसवर चांगली कमाई करत आहे. या चित्रपटाने रिलीजच्या चौथ्या दिवशी जवळपास 50 कोटींचा गल्ला गाठला आहे. तुम्हाला सांगतो की, ‘विक्रम वेध’नंतर आता हृतिक येत्या काही दिवसांत दीपिका पदुकोणसोबत फायटर या चित्रपटात दिसणार आहे. या चित्रपटाशिवाय तो क्रिश 4 मध्येही दिसणार आहे.