डेहराडूनला जाणाऱ्या इंडिगो विमानाच्या इंजिनमध्ये तांत्रिक बिघाड झाल्यामुळे बुधवारी दिल्ली विमानतळावर आपत्कालीन लँडिंग करण्यात आले. विमानाच्या पायलटने एअर ट्रॅफिक कंट्रोलर (ATC) ला तांत्रिक समस्येची माहिती दिली आणि आपत्कालीन लँडिंगची विनंती केली. इंडिगोने सांगितले की विमान दिल्लीत सुरक्षितपणे उतरले आणि आवश्यक देखभाल प्रक्रिया पार पाडली जाईल.
तांत्रिक समस्येमुळे इंडिगो फ्लाइट (दिल्ली ते डेहराडून) त्याच्या मूळ स्थानावर परतले. पायलटने प्रक्रियेनुसार एटीसीला माहिती दिली आणि आपत्कालीन लँडिंगची विनंती केली. विमान दिल्लीत सुरक्षितपणे उतरले आणि आवश्यक देखभाल केल्यानंतर ते पुन्हा कार्यान्वित होईल,” असे एअरलाइनने एका निवेदनात म्हटले आहे. इंडिगोच्या विमानांमध्ये बिघाड होण्याच्या घटनांमध्ये सातत्याने वाढ होत आहे. काही दिवसांपूर्वी इंडिगोच्या एका विमानाच्या उड्डाणानंतर लगेचच इमर्जन्सी लँडिंग करण्यात आलं होतं.
हे सुध्दा वाचा:
कमला मिलमध्ये लिफ्ट कोसळल्यानं अपघात, 15 जण जखमी
धुळे-सुरत महामार्गावर भरधाव ट्रकला लागली आग
आधी वादळी खेळीनंतर 4 विकेट, अर्शिन कुलकर्णीची उल्लेखनीय कामगिरी
विमानात आग लागल्याचे वृत्त एअरलाइन्सने फेटाळून लावले. नागरी हवाई वाहतूक नियामक, नागरी विमान वाहतूक महासंचालनालयाने (DGCA) या घटनेवर कोणतेही अधिकृत विधान केलेले नाही आणि त्यांनी विमानाची तपासणी करणे अपेक्षित आहे. याआधी अशा घटना घडल्या आहेत. याच्या वारंवार बातम्या समोर आल्या आहेत. प्रामुख्याने यात पक्षी धडकल्याने असे लॅंडिंग केले आहे