टीम लय भारी
मुंबई : प्राध्यापक हरी नरके यांनी पुन्हा एकदा मुख्यमंत्री एकनाथ शिंदे आणि त्यांच्या गटावर खोचक टीका केली आहे. प्राध्यापक हरी नरके यांनी ट्विट करत मुख्यमंत्री एकनाथ शिंदे आणि त्यांच्या बंडखोर आमदारांना खडे बोल सुनावले आहेत. मुख्यमंत्री एकनाथ शिंदे हे आज (दि. ९ जुलै २०२२) दिल्ली येथे गृहमंत्री अमित शहा आणि पंतप्रधान नरेंद्र मोदी यांची भेट घेणार आहेत. त्याच भेटीला उद्देशून प्रा. हरी नरके यांनी एकनाथ शिंदे यांच्यावर टीका केली आहे.
१) मुख्यमंत्री श्री.एकनाथ शिंदे यांनी शिवसेना सोडलेली नाही.
मग त्यांचे प्रतोद शिवसेनेच्या अधिकृत उमेदवाराला मत न देता भाजपच्या नार्वेकरांना मत द्या असा व्हीप कसा काय काढू शकतात? देशात कायदा चालतो की उपचाणक्य यांचे फर्मान?
सेनेचे मुख्यालय मुंबईत मग मुख्यमंत्री मंत्रीमंडळ –२— Prof. Hari Narke (@harinarke) July 9, 2022
प्राध्यापक हरी नरके यांनी काही मिनिटांच्या अंतराने तीन ट्विट केले आहेत. मुख्यमंत्री एकनाथ शिंदे यांनी शिवसेना सोडली नाही, असे सांगण्यात येत आहे. मग ते विधानसभा अध्यक्ष निवडणुकीच्या वेळी भाजपच्या राहुल नार्वेकर यांना मत द्या, असा व्हीप कसा काय काढू शकतात? असा प्रश्न त्यांनी या ट्विटच्या माध्यमातूनउपस्थित केला आहे.
२) ठरवायला दिल्लीत कशाला गेलेत? हे म्हणजे आग रामेश्वरी नी बंब सोमेश्वरी.
सेनेचे मंत्री कोण असणार हे भाजपचे अमितशहा का ठरवीत आहेत? शिंदे गट भाजपमध्ये विलीन झालाय का? की त्यांनी दिल्लीचे मांडलिकत्व घेतलेय?
महाराष्ट्राचा कारभार यापुढे मुंबईतून चालणारे की दिल्ली, सुरत,गुवाहाटी, -३–— Prof. Hari Narke (@harinarke) July 9, 2022
जर एकनाथ शिंदे आजही शिवसेनेत आहेत मग ते महाराष्ट्रातील मंत्रिमंडळ ठरवायला दिल्लीत का गेले? शिंदे गट हा भाजपमध्ये विलीन झालाय का? असा टोला प्राध्यापक हरी नरकेंनी आपल्या ट्विटमधून लगावला आहे. इतिहासातील महादजी शिंदे यांना दिल्लीचा बादशहा मुजरा करायचा, पण हे शिंदे दिल्लीकरांना मुजरा करायला गेले का? असा खोचक प्रश्न त्यांनी एकनाथ शिंदे यांना विचारला आहे.
३) गोव्यातून?
महादजी शिंदे यांना दिल्लीचे बादशहा मुजरा करायचे. या शिंदेंचा दिल्लीकरांना कुर्निसात.
जागा कळली ना? फरक समजला की नाही? कुठे ते शिंदे नी कुठे हे?
शिंदेसेना भाजप कडे सरेंडर झालीय,शरणागत आहे.
महाराजांनी सुरतेवर स्वारी केली होती. हे दाढीवाले सुरतेला मुजरा करीत आहेत.
××— Prof. Hari Narke (@harinarke) July 9, 2022
दरम्यान, या ट्विटमध्ये त्यांनी शिंदे गटाने स्वतःला भाजपकडे सरेंडर केले आहे का? हे दाढीवाले सुरतेला मुजरा करत आहेत का? असे प्रश्न उपस्थित करत बोचरी टीका केली आहे. प्राध्यापक हरी नरके यांच्या या ट्विटनंतर आता एकनाथ शिंदे किंवा त्यांच्या गटातील इतर कोणताही आमदार काही उत्तर देईल का? हे पाहणे औत्सुक्याचे ठरणार आहे.
हे सुद्धा वाचा :
चित्रा वाघ नरेंद्र मोदींवर भडकल्या, गॅस दरवाढीवरून जाम संतापल्या !
शंभूराज देसाई म्हणाले, आमचा उठाव दोन वर्षांपूर्वीच व्हायला हवा होता