टीम लय भारी
मुंबई : सोनिया गांधी यांचे अत्यंत विश्वासू असलेले खासदार अहमद पटेल यांचे आज पहाटे निधन झाले. ते 71 वर्षांचे होते ( Ahmed Patel passed away ).
त्यांचे पुत्र फैजल पटेल यांनी ट्विट करून अहमद पटेल यांच्या निधनाची माहिती दिली आहे. पटेल यांना ‘कोरोना’ची लागण झाली होती. त्यामुळे त्यांना गुरगाव येथील रूग्णालयात दाखल करण्यात आले होते. उपचार सुरू असतानात ‘मल्टी ऑर्गन फेल्युअर’चीही ( महत्वाचे अवयव निकामी होणे ) समस्या उद्भवली होती. त्यामुळे त्यांचे पहाटे 3.30 वाजता निधन झाले.
@ahmedpatel pic.twitter.com/7bboZbQ2A6
— Faisal Ahmed Patel (@mfaisalpatel) November 24, 2020
साधारण 20 वर्षांपूर्वी ‘काँग्रेस’ची धुरा सोनिया गांधी यांच्याकडे आल्यानंतर त्यांचे प्रमुख राजकीय सल्लागार म्हणून पटेल यांनी काम केले. डॉ. मनमोहन सिंग यांच्या नेतृत्वाखाली काँग्रेसचे केंद्रात 10 वर्षे सरकार होते. सोनिया गांधी यांचा करिश्मा आणि अहमद पटेल यांची रणनिती यामुळेच काँग्रेसला त्यावेळी सुगीचे दिवस आले. त्या पार्श्वभूमीवर अहमद पटेल यांचे काँग्रेसमध्ये प्रचंड महत्व होते.
Saddened by the demise of Ahmed Patel Ji. He spent years in public life, serving society. Known for his sharp mind, his role in strengthening the Congress Party would always be remembered. Spoke to his son Faisal and expressed condolences. May Ahmed Bhai’s soul rest in peace.
— Narendra Modi (@narendramodi) November 25, 2020
अहमद पटेल यांच्या निधनाबद्दल सोनिया गांधी, राहूल गांधी यांच्यासह प्रमुख सर्व नेत्यांनी शोक व्यक्त केला आहे.
Congress President Smt Sonia Gandhi’s condolence message on the demise of Shri Ahmed Patel. pic.twitter.com/JiOwjr3j1n
— Congress (@INCIndia) November 25, 2020
अभ्यासू व जाणकार नेता हरपला : अशोक चव्हाण
खा. अहमद पटेल यांच्या निधनाचे वृत्त अत्यंत वेदनादायी आहे. त्यांच्या निधनाने एक अभ्यासू, जाणकार आणि उत्तम संघटनात्मक कौशल्य असलेले समर्पित नेतृत्व काळाच्या पडद्याआड गेल्याची भावना राज्याचे सार्वजनिक बांधकाम मंत्री अशोक चव्हाण यांनी व्यक्त केली आहे.
खा. अहमद पटेल हे राष्ट्रीय राजकारणातील अत्यंत प्रभावशाली नेते होते. एक मुत्सद्दी राजकारणी आणि पेचप्रसंगांमध्ये कौशल्याने तोडगा काढणारे नेते म्हणून परिचित होते. देशाच्या कानाकोपऱ्यातील राजकारण आणि काँग्रेसच्या संघटनेचा त्यांचा दांडगा अभ्यास होता.
It is a sad day. Shri Ahmed Patel was a pillar of the Congress party. He lived and breathed Congress and stood with the party through its most difficult times. He was a tremendous asset.
We will miss him. My love and condolences to Faisal, Mumtaz & the family. pic.twitter.com/sZaOXOIMEX
— Rahul Gandhi (@RahulGandhi) November 25, 2020
आयुष्यभर त्यांनी काँग्रेस पक्षाची सेवा केली. मात्र कधीही वैयक्तिक महत्त्वाकांक्षा बाळगली नाही. नेहमी व्यापक पक्षहित डोळ्यासमोर ठेवून काम केले.
काँग्रेस पक्षाचे ज्येष्ठ नेते अहमद पटेल यांच्या निधनाचे वृत्त अत्यंत दु:खद असून काँग्रेस पक्षाने अनुभवी, निष्ठावान संघटक आणि रणनितीकार गमावले आहेत. अहमद पटेल यांना भावपूर्ण श्रद्धांजली! 💐
या कठिण प्रसंगी संपूर्ण काँग्रेस पक्ष पटेल कुटुंबियांसोबत आहे. pic.twitter.com/1ePuYJDOBq
— Balasaheb Thorat (@bb_thorat) November 25, 2020
मागील अनेक वर्षांपासून मी खा. अहमद पटेल यांच्याशी संपर्कात होतो. विविध कामानिमित्त त्यांच्या भेटीगाठी व विस्तृत चर्चा होत असत. आपल्या जबाबदारीविषयी त्यांची कटिबद्धता विलक्षण होती. साधेपणा, संयमी व मुद्देसूद संभाषण असे त्यांचे अनेक स्वभाव गुण प्रत्येकाच्या मनाला भावणारे होते.
भारतीय राष्ट्रीय कॉंग्रेस पक्षाचे ज्येष्ठ नेते श्री. अहमद पटेल यांचे अकाली निधन दुःखदायक आहे. @INCIndia साठी त्यांनी दिलेले योगदान सदैव स्मरणात राहील.
त्यांच्या कुटुंबियांप्रति सहवेदना व्यक्त करतो. भावपूर्ण श्रद्धांजली!— Sharad Pawar (@PawarSpeaks) November 25, 2020
पटेल यांच्या निधनामुळे काँग्रेस पक्षाचे अतोनात नुकसान झाले आहे. त्यांचे कार्य आणि त्यांचे व्यक्तिमत्व दीर्घकाळ प्रत्येकाच्या स्मरणात राहील, अशा भावना चव्हाण यांनी व्यक्त केल्या आहेत.