सुदानमध्ये लष्करी जवान आणि निमलष्करी दलाच्या जवानांमध्ये जोरदार धुमश्चक्री झाली असून दोन्ही गटात गोळीबार झाल्याची घटना समोर आली आहे. दरम्यान भारतीय दुतावासाने तेथील भारतीयांना सावध राहण्याचे आवाहन करत घराबाहेर पडू नका असा सल्ला देखील दिला आहे.
सुदान देशाची राजधानी असलेल्या खार्तुम येथे लष्करी आणि निमलष्करी दलाच्या जवानांमध्ये गोळीबाराची घटना घडली आहे. सुदानच्या निमलष्करी दलाच्या नेत्याने लष्करी दलाच्या सर्वच तळांवर ताबा मिळवेपर्यंत हा लढा सुरु ठेवणार असल्याचा इशारा दिला आहे.
खार्तुम येथील भारतीय दुतावासाने म्हटले आहे की, आम्ही खार्तुम आणि ओमरदुरमनन येथील जवळपास २५०० ते ३००० भारतीयांसाठी व्हाट्सअप ग्रुप बनविला असून या ग्रुपमधून वेळोवेळी सर्व परिस्थितीची माहिती भारतीय नागरिकांना दिली जात आहे. तसेच भारतीय नागरिकांसाठी एक हेल्पलाईन नंबर देखील देण्यात आला आहे. या हेल्पलाईन नंबरवर भारतीय नागरिक फोन करुन माहिती विचारु शकतात. गेल्या आठवड्यापासून सुदानमधील परिस्थिती चिघळली असून आज लष्करी दल आणि निमलष्करी दलाच्या जवानांमध्ये गोळीबाराच्या घटना झाल्या आहेत.
JUST IN 🚨 People taking cover inside Sudan’s airport after coup attempt
and heavy clashes between RSF paramilitary forces and Sudanese army— Insider Paper (@TheInsiderPaper) April 15, 2023
हे सुद्धा वाचा
बाबासाहेबांना लडाखमध्ये आदरांजली
जुन्या पुणे-मुंबई महामार्गावर बस दरीत कोसळून १३ जणांचा मृत्यू; मुख्यमंत्र्यांनी जखमींची घेतली भेट
मुंबईत दहशतवादी घुसल्याची खोटी माहिती देणारा अहमदनगरचा; एटीएसने आवळल्या मुसक्या
Paramilitary RSF soldiers captured number of Sudanese military personnel, a captain of Sudanese army among the captured! #sudan pic.twitter.com/OTYKgoseCO
— Ayman Abdalla (@Aymanalmugabil) April 15, 2023
दरम्यान सुदानच्या वायू सेनेने निमलष्करी दलाविरोधात कारवाईची मोहीम सुरु केली आहे. वायु दलाची लढावू विमाने राजधानी खार्तुमवर घिरट्या घालत असल्याचे देखील प्रसारमाध्यमांनी वाहिन्यांवर दाखविले आहे.
RAW: Sudan’s military is using fighter jets to carry out airstrikes in the capital Khartoum as fighting rages between the regular army and paramilitaries. pic.twitter.com/tKbswlO1Ad
— DW News (@dwnews) April 15, 2023
काही दिवसांपूर्वी सुदानच्या लष्करी जवानांमध्ये आणि निमलष्करी दलाच्या जवानांमध्ये असाच तणाव पहायला मिळाला होता. दरम्यान निमलष्करी दलाच्या जवानांनी विमानतळावर ताबा मिळविल्याचा दावा केला आहे.