IPS अधिकारी वारकरी वेशात!

टीम लय भारी 

सोलापूर : आषाढी वारी जवळ येऊ लागली तशी वारकऱ्यांची पावले वेगाने पंढरपूरच्या दिशेने कूच करू लागली आहेत. आज पालखीचे तिसरे गोल रिंगण पार पडणार आहे. भक्तीमय रंगात भारून गेलेले असे हे वातावरण दरवर्षी सगळ्यांना आकर्षित करत असते. केवळ वारकरीच नव्हे तर नेते मंडळींसह बंदोबस्ताची देखरेख करणारा अधिकारी वर्ग सुद्धा या भक्तीमय गजरात तल्लीन झाल्याचे पाहायला मिळतात. यावेळी पालखी सोहळ्यासाठी पोलिस अधिकारी महिलेने केलेल्या विशेष वेषभूषेचे कौतुक होत आहे.

सोलापूर जिल्ह्यातील एसपी तेजस्वी सातपुते यांनी पोलीस गणवेशासह कपाळी गंध, डोक्यावर पांढरा फेटा आणि गळ्यात उपरणे असा वेश परिधान करून पालखी सोहळ्यात सहभाग घेतला. विठूरायाच्या भक्तीचे हे असे अनोखे रूप यानिमित्ताने नेटकऱ्यांनी अनुभवला.

आपल्याच तोऱ्यात नेहमी वावरणारे आयपीएस अधिकारी सरकारी गाड्यांमध्येच फिरताना दिसतात. स्वतःच्या मिजासमध्ये राहणारे ह्या अधिकाऱ्यांचा क्वचित कधीतरी सर्वसामान्यांशी संपर्क येतो. परंतु यंदाच्या पालखी सोहळ्यात कितीतरी अधिकारी, पोलिस कर्मचारी आपली पोस्ट, आपली महानता सारंच विसरून यावेळी सर्वसामान्यांमध्ये मिसळताना दिसले. वारकऱ्यांमध्ये एक होत भक्तीरंगात न्हाऊन निघाल्याचे पाहायला मिळाले.

दरम्यान, पोलिस अधिकारी तेजस्वी सातपुते यांनी सुद्धा न राहवून आपला वारकरी वेशातील फोटो सोशल मिडीयावर पोस्ट केला आहे, ज्याला हजारो लोकांनी लाईक्सचा पाऊस पाडून त्यांचे कौतुक केले आहे.

हे सुद्धा वाचा…

VIDEO : एकनाथ शिंदेंची ‘बहुत झाली बदनामी,’ चेहरा उजळविण्यासाठी आता फिरताहेत गल्लोगली

राजीनामा सत्राने शिवसेना हादरली

खबरदार! गुगलवर ‘हे’ सर्च करत असाल तर होणार कारवाई