अजित पवार (Ajit Pawar) गटाचा पहिला उमेदवार जाहीर करण्यात आला आहे. तसेच झालेल्या बैठकीमध्ये बारामती लोकसभा (Baramati lok sabha) संदर्भात मोठा निर्णय घेण्यात आला. मात्र, उमेदवारीबाबत सस्पेन्स कायम आहे. लोकसभा निवडणुकांच्या (Lok sabha election) पार्श्वभूमीवर अजित पवार गटाने बैठकीनंतर आज पत्रकार परिषद घेतली. यावेळी अनेक जागांबाबत चर्चा झाली. (ajit pawar group announced first candidat and big statement in baramati Lok Sabha Election 2024)
पुण्यात राष्ट्रवादी काँग्रेसची आज बैठक झाली. या बैठकीत रायगडमधून सुनील तटकरे यांना अजित पवार यांनी उमेदवारी घोषित केली. यासंदर्भात अजित पवार यांनी पत्रकार परिषद घेऊन माहिती दिली. येत्या 28 तारखेला महायुतीचा संपूर्ण फॉर्म्युला जाहीर केला जाईल असंही अजित पवारांनी यावेळी सांगितलं.
बैठकीत नेमकं काय घडलं?
अजित पवार यांच्या नेतृत्वाखाली पुण्यात राष्ट्रवादी गटाची बैठक पार पडली. या बैठकीमध्ये बारामती, शिरूर, सातारा ,धाराशिव, नाशिक, रायगड परभणी लोकसभा संदर्भात चर्चा झाली. तसेच, परभणीचा उमेदवार दोन दिवसांत ठरणार असल्याचे समजलं. या बैठकीत बारामती लोकसभेची जागा महायुतीत राष्ट्रवादी काँग्रेसचच लढवणार, असल्याचा ठराव एकमतानं मंजूर करण्यात आला.
परभणीचा उमेदवार दोन दिवसांत ठरणार असून महादेव जानकरांना पाठिंबा ही केवळ अफवा असून विरोधकानी पसरवली असल्याची माहिती सुनील तटकरेंनी दिली.
अजित पवार काय म्हणाले?
एकत्रित चर्चा करुन महायुतीत जागावाटपाचे 99 टक्के काम झाले. मात्र 28 तारखेला मुंबईत देवेंद्र फडणवीस, एकनाथ शिंदे आणि मी पत्रकार परिषद घेऊन उमेदवार जाहीर करणार आहे. रायगडमधून सुनील तटकरे निवडणूक लढविणार आहेत. शिवाजीराव आढळराव पाटील 20 वर्षांपूर्वी आमच्या पक्षातून शिवसेनेत गेले होते. ते आमचे शिरुरचे उमेदवार असणार आहेत. इतर उमेदवारांची नावे 28 तारखेला जाहीर करण्यात येतील.
तसेच यावेळी बोलताना अजित पवार यांनी माध्यमांनादेखील झापलं. कारण नसताना पत्रकारांनी राष्ट्रवादीला तीन – किंवा चारच जागा लढविण्यास मिळणार अशा खोट्या बातम्या चालवल्या. असं वक्तव्य करत पवारांनी माध्यमांवर नाराजी व्यक्त केली.
तसेच, प्रत्येक मंत्र्यावर एका लोकसभा मतदारसंघाची तर प्रत्येक आमदारावर एका विधानसभा मतदारसंघाची जबाबदारी असेल. नरेंद्र मोदींना पंतप्रधान करायचे आहे. बारामतीचा उमेदवार 28 तारखेला जाहीर करतो. तुमच्या मनातील उमेदवार जो उमेदवार आहे, तोच आमचा उमेदवार असेल. अस पवार यावेळी म्हणाले.
यासोबतच, सातारची जागा अजून जाहीर झालेली नाही. उदयनराजेंना सांगण्याचे काम भाजपचे नेते करतील असं सांगत विजय शिवतारेंबद्दल बोलण्याचे अजित पवारांनी टाळलं.
‘गुगल’ने आज ‘लय भारी’ला विशेष प्रमाणपत्र प्रदान केले आहे. असे प्रमाणपत्र मिळवणारे ‘लय भारी न्यूज’…
नाशिक महापालिका (NMC) व क्रेडाई यांच्या संयुक्त विद्यमाने उद्या बुधवारी (दि.8) शहरातील गोल्फ क्लब येथे…
शहर पोलीस आयुक्तालय हद्दीमध्ये गेल्या आठवडाभरापासून वाहनांच्या टोईंगची (Towing) कारवाई सुरू झालेली आहे. मात्र असे…
राज्य महिला आयोगाच्या अध्यक्षा रुपाली चाकणकर (Rupali Chakankar) यांनी ईव्हीएम मशीनची पूजा (worship of EVM…
मै शेरनी हूं और लढना भी जानती हूं, हे वाक्य आहे नुकत्याच झालेल्या रायबरेली(Raebareli) येथील…
गुणरत्न सदावर्ते (Gunaratna Sadavarte) यांना सहकार खात्याने मोठा धक्का दिला आहे. एसटी को-ऑपरेटिव्ह बँकेच्या (ST…