हरभरा उत्पादकांना क्विंटलमागे आठशे रुपयांची फरकाची रक्कम द्यावी, अशी मागणी विरोधी पक्षनेते अजित पवार यांनी शिंदे-फडणवीस सरकारकडे केली आहे. नाफेडमार्फत हमीभावाने हरभरा खरेदी बंद झाल्याने शेतकऱ्यांचे प्रचंड आर्थिक नुकसान होत आहे. हरभरा उत्पादक शेतकऱ्यांमध्ये असंतोष निर्माण झाला आहे. त्या पार्श्वभूमीवर पवारांनी ही मागणी केली आहे.
अजित पवार यांनी यासंदर्भात ट्विट केले आहे. 9 एप्रिल 2023 रोजी हरभरा खरेदी बंद केली. हरभरा विक्रीसाठी फक्त 17 दिवस मिळाले. त्यातले अर्धे दिवस अवकाळी पाऊस आणि सुट्ट्यांनी खाल्ले. शेतकऱ्यांचा हरभरा तसाच पडून आहे, असे या ट्विटमध्ये नमूद आहे.
हरभऱ्याचा हमीभाव 5,335 आणि बाजारात दर 4,500 रुपये. हरभऱ्यासाठी लावलेला पैसाही शेतकऱ्यांचा निघत नाही. उलट क्विंटलमागे 800 रुपयांचा तोटा आहे. हमीभाव आणि सध्याचा बाजारभाव यातली क्विंटलमागे आठशे रुपयांची फरकाची रक्कम सरकारने हरभरा उत्पादकांना द्यावी, अशी मागणी ट्विटद्वारे करण्यात आली आहे.
खरेतर नाफेडने हरभरा खरेदी पूर्ण करण्याची अंतिम मुदत ही 11 जून आहे. मात्र, खरेदीचे उद्दिष्ट पूर्ण झाल्याचे सांगून खरेदी बंद केली गेली आहे. त्यामुळे सरकारने नोंदणी केलेल्या सर्व शेतकऱ्यांकडील हरभरा वाढीव उद्दिष्ट देऊन हमीभावाने खरेदी करायला हवा किंवा फरक द्यायला हावा, अशी मागणी जोर धरत आहे.
हे सुद्धा वाचा :
Sharad Pawar : मोदी सरकारचे धोरण शेतकरी विरोधी ; शरद पवार
सत्ताधारी आमदार, खासदारांच्या घरासमोर फेकणार कांदा; स्वाभिमानी शेतकरी संघटना आक्रमक
पोटाला चिमटा बसल्यावरच शेतकरी रागानं रस्त्यावर येतो ;अजित पवार संतापले
विदर्भातील अकोला जिल्ह्यात हमीभावाने हरभरा खरेदीवर नियंत्रणासाठी निवासी उपजिल्हाधिकाऱ्यांच्या अध्यक्षतेखाली समिती नेमण्याची मागणी आमदार रणधीर सावरकर यांनी यापूर्वीच मुख्यमंत्री एकनाथ शिंदे, उपमुख्यमंत्री देवेंद्र फडणवीस; तसेच केंद्र सरकारकडे केली आहे.
महापालिका वा स्मार्ट सिटी दोन्हींच्या समन्वयाने शहरात ठिकठिकाणी विविध कामे सुरू आहेत. त्यात एमजीएनएलची गॅसवाहिनी,…
राज्यात एकीकडे लोकसभा निवडणुकीची धामधूम सुरू असतानाच, शिवसेना उद्धव बाळासाहेब ठाकरे पक्षाचे नेते आणि राज्यसभेचे…
घोटी-सिन्नर महामार्गावरील साकुर फाट्यावरील कोठुळे लॉन्सजवळ झालेल्या भीषण अपघातात दोघांचा जागीच मृत्यू झाल्याची घटना घडली…
गुंतवणुकीवर जादा परतव्याचे आमिष दाखवून १०० कोटी रुपयांची फसवणूक करणाऱया पुण्यातील व्हीआयपीएस ग्रुप ऑफ कंपनीची…
जुना गंगापूर नाका येथील आयसीआयसीआय होम फायनान्स कंपनीत शिरुन चाेरट्यांनी (Thieves) सेफ्टी लॉकरमधून ४ कोटी…
नाशिक लोकसभा मतदारसंघातून महाविकास आघाडी उद्धव बाळासाहेब ठाकरे पक्षाकडून माजी आमदार राजाभाऊ वाजे यांना उमेदवारी…