टीम लय भारी
जामखेड : गेल्या दोन महिन्यांपासून जामखेड शहर हॉटपॉस्ट होते. प्रशासनाने अतिशय सतर्कतने कोरोनाविरोधातली लढाई जिंकत जामखेडला कोरोनामुक्त केले. त्यानंतर आता आमदार रोहित पवार ( Rohit Pawar ) यांच्या पुढाकारातून मोठा निर्णय घेण्यात आला आहे. त्यामुळे जामखेडमधील जनतेला दिलासा मिळणार आहे.
जामखेडचा हॉटस्पॉट उठवला गेल्यामुळे शहराची थांबलेली आर्थिक गती सुरळीत करण्यासाठी जामखेडची बाजारपेठ सुरू करण्याचा निर्णय घेण्यात आला आहे. नागरिकांनी अधिक दक्षतेने शासनाच्या सुचनांचे पालन केल्यास बाजारपेठ सुरळीत चालू शकेल म्हणूनच नागरिकांनी जास्तीचे सहकार्य करावे असे अवाहन आमदार रोहित पवार ( Rohit Pawar )यांनी केले.
अहमदनगर जिल्ह्यात सलग तीन वेळा हॉटस्पॉट ठरलेल्या जामखेडची बाजारपेठ गेल्या दीड दोन महिन्यांपासून पूर्णपणे बंद होती. त्यामुळे दरम्यानच्या काळात व्यापारी, नागरिक आणि शेतकरी यांना प्रचंड हाल सहन करावे लागले होते.
छोटे मोठे व्यवसाय सुरू करून पुन्हा काही प्रमाणात अर्थचक्र सुरळीत चालू करण्यासाठी आमदार रोहित पवार ( Rohit Pawar ) यांच्या मार्गदर्शनाखाली नुकतीच एक बैठक पार पडली. यावेळी जामखेड मधील व्यावसायिक ,प्रशासकीय अधिकारी आणि राजकीय पदाधिकारी हे उपस्थित होते.
शासनाने घालून दिलेल्या नियम व अटीला अधिन राहून बाजारपेठ सुरू करण्याचा यावेळी निर्णय घेण्यात आला.
यावेळी राष्ट्रवादीचे प्रदेश सरचिटणीस राजेंद्र कोठारी यांनी पिण्याचे पाणी, भाजीपाला आणि वीजपुरवठा तसेच पुणे मुंबईहून आलेल्या नागरिकांबाबत अधिक काळजी घेण्याबाबत सुचना केल्या.
यावेळी आमदार रोहित पवार ( Rohit Pawar ), राष्ट्रवादीचे प्रदेश सरचिटणीस राजेंद्र कोठारी, प्रांताधिकारी अर्चना नष्टे, तहसीलदार विशाल नाईकवाडे, पोलीस निरीक्षक प्रभाकर पाटील, गटविकास अधिकारी परशुराम कोकणी, मुख्याधिकारी सुहास जगताप, तालुका आरोग्य अधिकारी डॉ सुनील बोराडे, वैद्यकीय अधिक्षक डॉ.युवराज खराडे, कर्जत जामखेड विधानसभा प्रमुख प्रा.मधुकर राळेभात, राष्ट्रवादीचे नेते सूर्यकांत मोरे, उमर कुरेशी, राजेंद्र गोरे,प्रकाश काळे,विजयसिंह गोलेकर, प्रा राहुल अहिरे सह आदी उपस्थित होते.
आणखी बातम्या वाचण्यासाठी आमचे ट्विटर अकाऊंट फॉलो करा
Nilesh Rane : निलेश राणेंना तृतीयपंथियाने भरला दम, ‘बाजार उठविण्याची’ दिली तंबी https://t.co/XAwvXR8Iyj@meNeeleshNRane @RRPSpeaks @sachin_inc
— Lay Bhari (@LayBhari3) May 20, 2020
हे सुद्धा वाचा
Nilesh Rane : निलेश राणेंना तृतीयपंथियाने भरला दम, ‘बाजार उठविण्याची’ दिली तंबी
Rane VS Pawar : निलेश राणेंनी शरद पवारांना डिवचले, रोहित पवारांवरही खालच्या पातळीवरील टीका