दिवाळीनंतर सगळ्यांनाच वेध लागतात ते म्हणजे लग्नसराईचे. काही महिन्यांच्या थांब्यांनंतर पुन्हा एकदा लग्नांना दणक्यात सुरुवात होते. सध्या मनोरंजनविश्वात देखील लग्नांचे वारे वाहत आहे. अनेक मोठे कलाकार लग्नबंधनात अडकताना दिसत असून काही लवकरच अडकणार आहेत. मराठी सिनेसृष्टीत तर एकापाठोपाठ एक लग्नाच्या बातम्या येत आहेत. काहींनी एकदम जगजाहीर करत लग्न केले तर काहींनी लग्न केल्यानंतर जाहीर करत सगळ्यांना सुखद धक्का दिला. आता लवकरच मराठी सिनेमाजगतातील एक लोकप्रिय अभिनेता बोहल्यावर चढण्यासाठी सज्ज झाला आहे. सगळ्यांचा लाडका ‘दगडू’ अर्थात प्रथमेश परब (Prathmesh Parab) लवकरच त्याची प्रियसी असलेल्या क्षितिजा घोसाळकरसोबत (Kshitija ghosalkar) लग्न करणार आहे. सोशल मीडियावर नुकतेच त्याने त्याच्या केळवणाचे फोटो शेअर करत ही माहिती दिली आहे.
प्रथमेशने काही महिन्यांपूर्वीच तो क्षितिजासोबत नात्यात असल्याची कबुली सोशल मीडियावरून दिली होती. त्यानंतर त्यांच्या लग्नाबद्दल माध्यमांमध्ये अनेक बातम्या येत होत्या. मात्र आता खुद्द प्रथमेशने त्याच्या केळवणाचे फोटो शेअर करत ते लवकरच लग्न करणार असल्याचे सांगितले आहे. पण इथे देखील एक ट्विस्ट आहे. प्रथमेशने ते नक्की कोणत्या तारखेला आणि कुठे लग्न करणार आहे, हे न सांगता एक हिंट दिली आहे.
View this post on Instagram
प्रथमेशने त्याच्या इंस्टाग्राम अकाऊंटवरून काही पोहोतो आणि व्हिडिओ शेअर केले आहेत. यातल्या एका व्हिडिओमध्ये प्रथमेश आणि क्षितिजा केळवणासाठी घरात एकत्र प्रवेश करतात आणि त्यांच्या कुटुंबातील सदस्य त्यांच्यावर फुलांचा वर्षाव करतात. फुलांच्या पायघड्यांवरून चालत येत प्रथमेश आणि क्षितिजा जेवायला बसतात. घराला खूपच छान सजवलेले दिसत असून, त्या दोघांचेही घरातील सदस्य या केळवणासाठी उपस्थित असल्याचे दिसत आहे. सोबतच घरातील सर्व सदस्यांचा जोरदार डान्स भावी वरवधुचा रोमॅंटिक डान्स देखील यात आपल्याला दिसून येतो.
View this post on Instagram
हे सर्व प्रथमेशने शेअर करत कॅप्शनमध्ये लिहिले, “जेव्हा केळवणाला तुमच्यापेक्षा तुमचं कुटुंब जास्त उत्साहित असतं,” सोबतच त्याने त्याच्या लग्नाच्या तारखेबद्दल हिंट देताना लिहिले, “#pratija चं ठरलंय हा! बाकी तारीख लवकरच कळवतो. (PS- तारीख खूपच Special आहे ! Hint caption मध्येच आहे. Comment मध्ये guess करा.)” आता त्याच्या या पोस्टवर त्याचे फॅन्स तारीख ओळखत कमेंट्स करताना दिसून येत आहे. अनेकांनी १४ फेब्रुवारी अर्थात व्हॅलेंटाइन डे ला ते लग्न करणार असल्याचे सांगितले आहे. आता नक्की ते लग्न कधी करतात ते पाहणे नक्कीच असूक्त्याचे असणार आहे.
हे ही वाचा
‘पोलिसवाले इतकं मारा की गाxxxची हड्डी तुटली पायजे, कुत्र्यासारखं मारा’
‘या’ अभिनेत्रीची होणार झी मराठीच्या मालिकेत धमाकेदार एन्ट्री, प्रोमो झाले व्हायरल
तत्पूर्वी प्रथमेश हा मराठी सिनेविश्वातील लोकप्रिय आणि यशस्वी अभिनेता असून, त्याने अनेक उत्तमोत्तम भूमिका साकारल्या आहेत. टाइमपास त्याची ‘दगडू’ ही भूमिका विशेष गाजली. मराठीसोबतच तो काही हिंदी चित्रपटांमध्ये देखील दिसला आहे. लवकरच त्याचा डिलिव्हरी बॉय हा सिनेमा प्रदर्शित होणार आहे.