टीम लय भारी
मुंबई : नारायण राणे यांच्या जुहूमधील अधीश बंगल्यावर अनधिकृतपणे बांधकाम केल्याचे आरोप केले होते. मुंबई महानगरपालिकेने नारायण राणेंना त्याच्या जुहूच्या बंगल्याच्या अनधिकृत बांधकामाबाबत नोटीस पाठवली होती. बंगल्यातील काही पोर्शनमध्ये नियमांचं उल्लंघन झाल्याचं पालिकेच्या अधिकाऱ्यांना वाटत आहे. तर हिंदुत्वाच्या मुद्द्यावरून मुंबईच्या महापौर किशोरी पेडणेकर यांनी भाजपला चांगलेच फटकारले आहे(Mayor Kishori Pednekar attacks Narayan Rane).
मुंबईच्या महापौर किशोरी पेडणेकर यांनी नारायण राणे हे महापालिकेला सहकार्य करतील असा विश्वास आजच्या पत्रकार परिषदेत व्यक्त केला आहे.आता महापौर पेडणेकर यांनी या कारवाईवरून राणेंवर निशाणा साधला आहे. नुसत तुम्ही महानगरपालिका बघू नका. काल, परवाच केंद्राने त्यांना सीआरझेडची नोटीस दिली आहे, त्याला लक्ष द्या. केंद्रानेही सीआरझेडचे उल्लंघन झाल्याचे सांगितले आहे.
यापूर्वीदेखील त्यांना नोटीस देण्यात आली होती. त्यांच्या घरी महापालिकेचं पथकही गेलेलं आहे. केंद्र सरकारनेदेखील यापूर्वी या प्रकरणी आक्षेप नोंदवलेले आहेत. त्या म्हणाल्या, हे विरोधक महापालिकेच्या कामांवर सतत आरोप करत आहेत. कारवाईसाठी नारायण राणे यांच्या बंगल्यात महापालिका पथक दाखल झाले आहे. या प्रकरणात दोषी असल्यास त्यांच्यावर कारवाई नक्की होणार आहे. त्यामुळे कुणीही बिनबुडाचे आरोप करु नये, असे खोचकपणे टिका केली.
हे सुद्धा वाचा
विनायक राऊतांचा राणेंवर प्रतिहल्ला, लाचारी पत्करणे नारायण राणेंकडून शिकावे
मिलिंद नार्वेकरांच्या नारायण राणेंना कानपिचक्या!
नारायण राणेंच्या अनधिकृत बंगल्यावर कारवाईचे आदेश
तुम्ही आम्हाला हिंदुत्व शिकवू नका. हिंदुत्व हे तोंडाने बोंबलून सांगायचं नसतं. हिंदुत्व हे मानणारं हिंदुत्व आहे. देश आणि मुंबईला अस्थिर करणारं हिंदुत्व नाही. प्रत्येक धर्माचा आदर करावा हे आपल्याला आपल्या आईवडील आणि गुरुजणांनी शिकवलं आहे, अशा शब्दात महापौर किशोरी पेडणेकर यांनी भाजपला सुनावले आहे. महापालिकेचे अधिकारी बंगल्याची पाहणी आणि मोजणी करत आहेत. आज नारायण राणेंच्या बंगल्यावर हातोडा पडणार का? याकडे सर्वांचे लक्ष लागून आहे.