टीम लय भारी
सोलापूर : भाजपचे आमदार गोपीचंद पडळकरांनी राज्यपाल भगतसिंग कोश्यारी यांना विनंती करणारे पत्र लिहिले आहे. पुण्यश्लोक अहिल्यादेवी होळकर सोलापूर विद्यापीठात अहिल्यादेवींचा अश्वारूढ पुतळा बनवण्यासाठी पडळकरांनी विनंती केली आहे (Gopichand Padalkar request to the Governor).
अहिल्या देवी होळकरांची शिवपिंड धारण केलेली प्रतिमा आजही जनसामान्यात रुजलेली आहे. त्याचबरोबर त्या एक कुशल प्रशासक, मुत्सद्दी राजकारणी आणि महापराक्रमी महाराणी होत्या. त्यामुळे त्यांच्या या पराक्रमी बाण्याचा पैलूही जनसामान्यात रुजला पाहिजे, असे पडळकर म्हणाले.
अहिल्या देवी होळकर सोलापूर विद्यापीठात उच्च शिक्षण घेण्यासाठी संघर्ष करत तरुण-तरुणी येतात. त्यामुळे अहिल्या देवींचा अश्वारूढ असलेला पुतळा विदयार्थ्यांच्या संघर्षाला प्रेरणा देईल. तसेच अहिल्यादेवींचे शिवपिंड धारण केलेले अनेक पुतळे इंदौरपासून जेजुरी संस्थान पर्यंत आहेत. परंतु, अन्याविरुद्ध लढण्याची प्रेरणा देणारा अहिल्या देवींचा अश्वारूढ पुतळा अद्याप उभारला गेलेला नाही असे पडळकरांनी पत्रात लिहिले आहे.
Gopichand Padalkar : गोपीचंद पडळकरांची मागणी, 1 लाख कोटी रकमेचा वापर सामान्य लोकांसाठी करा
याआधीही स्मारक समितीने अहिल्याबाई होळकरांचा अश्वारूढ पुतळा बसवण्याचा घेतलेला निर्णय सर्वाना मान्य होता. परंतु, काही राजकारणी लोक या निर्णयामध्ये बाधा टाकत आहेत. राज्याचे राज्यपाल व विद्यापीठांचे कुलपती म्हणून आपण अहिल्यादेवींचा अश्वारूढ पुतळा उभारण्याच्या सूचना विद्यापीठ प्रशासनाला द्याव्यात, अशी विनंती पडळकरांनी राज्यपालांकडे केली आहे.