‘हिंदू हृदयसम्राट’ पोस्टरवरुन राज ठाकरे यांनी कार्यकर्त्यांना दिल्या ‘या’ सूचना

टीम लय भारी

मुंबई : मनसे अध्यक्ष राज ठाकरे यांच्या हस्ते काल घाटकोपर येथील मनसे कार्यालयाचं उद्घाटनाचा कार्यक्रम होता. यानिमित्ताने घाटकोपरमध्ये राज ठाकरे यांचे पोस्टर्स लावण्यात आले होते. ज्यावर राज ठाकरे यांचा ‘हिंदुहृदयसम्राट’ असा उल्लेख करण्यात आला होता(Raj Thackeray gives instructions to activists from ‘Hindu Hriday Samrat’ poster).

राज ठाकरेंच्या नावापुढे इतर नवीन कोणतीही उपाधी लावण्याचा उद्योग करु नये, असे स्पष्ट आदेश महाराष्ट्र नवनिर्माण सेनेने आपल्या कार्यकर्त्यांना दिला आहे. पक्षाच्या मध्यवर्ती कार्यालयाकडून पदाधिकारी आणि कार्यकर्त्यांना यासंदर्भातील सूचना देण्यात आली आहे. त्याचं पालन करण्याचे आदेशही दिले आहेत. राज ठाकरेंच्या नावापुढे ‘मराठी हृदयसम्राट’ हीच उपाधी लागणार, इतर नवीन कोणतीही उपाधी लावण्याचा उद्योग करू नये. अशा सूचना महाराष्ट्र नवनिर्माण सेनेच्या, राजगड मध्यवर्ती कार्यालयातून पक्षाच्या कार्यकर्त्यांना आणि नेत्यांना आज देण्यात आल्या आहेत.

दिवंगत शिवसेनाप्रमुख बाळासाहेब ठाकरे यांना शिनसैनिक ‘हिंदुहृदयसम्राट’ असे म्हणतात. मात्र, आता महाराष्ट्र नवनिर्माण सेनेने लावलेल्या एका बॅनरमुळे पुन्हा एकदा यावरुन चर्चा सुरु झाली होती. थेट मनसे अध्यक्ष राज ठाकरे यांनाच हिंदुहृदयसम्राट म्हणणारा बॅनर लावण्यात आला होता. त्यामुळे राज ठाकरेंच्या लावलेल्या त्या बॅनरची सध्या चर्चा होत होती.

हे सुद्धा वाचा

श्रेय घेण्याचा आचरटपणा करु नये – राज ठाकरे

महापालिका निवडणुकीसाठी मनसेची रणनिती ठरली, स्वबळावर निवडणूक लढवणार

बऱ्याच वर्षांनी का होईना कुंभकर्णाची झोप मोडली;मराठी पाट्यावरून मनसेचा टोला!

Raj Thackeray’s MNS Wants To Be ‘King, Not Kingmaker’ In Maharashtra Civic Body Elections